Joshua 7:25 - Holy Bible Nigerian Pidgin English

²⁵ Joshua kon sey, “Wetin make yu bring wahala for awa head? God go put wahala for yor head today!” So, evribody for Israel stone en, en family and evritin wey e get until dem die finish, den dem kon burn dem.

Joshua 7:25 Iomraidhean Croise

Jenesis 34:30

Den Jakob tell Simeon and Levi sey, “Una don turn mi to dirty wey dey smell to di pipol for dis land, Kanaan pipol and Periz pipol, bikos of di wahala wey una put for my head. My pipol nor plenty and if dem gada demsef kon attack mi, dem go distroy both mi and my family.”

Jenesis 38:24

Afta three monts, dem kon tell Judah sey, “Yor pikin wife Tamar don turn to ashawo and e don get belle.” Judah kon sey, “Make una go bring Tamar kom make dem burn am!”

1 Kronikles 2:7

Karmi sons na: Akan wey bring wahala kom Israel wen e tif wetin dem dedikate give God.

Proverbs 1:19

Dis na wetin dey happen to pipol wey play wayo take get propaty.

Proverbs 15:27

Long-trot dey kill pesin family finish, but doz wey hate bribe, go get long life.

Levitikus 20:14

If anybody sleep with woman and en dota, dat kind tin bad well-well. So dem go burn di man, di woman and en dota with fire. So make una nor allow dis kind tin happen.

Levitikus 20:2

“Go tell Israel pipol sey, ‘Anybody among una wey give en girl pikin to Molek juju, dem must kill-am; di pipol wey dey di land must stone am die.

Levitikus 21:9

If priest dota turn to ashawo, e dey bring disgrace for en papa; so dem go burn di girl.

Levitikus 24:14

“Make yu bring di man wey curse mi kom out from di kamp, anybody wey hear am dey curse go put dia hand for en head to bear witness against am sey e dey guilty and evribody for Israel go stone am till e die.

Galatians 5:12

I wish sey doz wey dey disturb una go-go sekonsaiz demsef!

Deutronomi 13:10

Una must stone dem die, bikos dem try to make una turn from di Oga una God wey diliver una from Egypt, di place where una for bi slave.

Deutronomi 13:11

Den, Israel pipol go hear about am kon fear and nobody go won do wiked tins again.

Deutronomi 17:5

den make una take di man or woman wey kommit dis sin go outside di town gate kon stone am die.

Deutronomi 21:21

Den, all di men for di town go stone di pikin die. Like dis, una go remove all di wiked pipol wey dey among una and wen evribody for Israel hear wetin happen, fear go katch dem.

2 Tesalonians 1:6

E good as God dey ponish di pipol wey dey trobol una.

Hibru 12:15

Make una make sure sey nobody turn back from God grace and make nobody get bad belle and kause trobol wey go make pipol sin.

Joshua 6:18

But make una take kare wen una dey keep di tins wey bi God own. If una take any of dem, una go kause wahala for awa kamp and awa pipol.

Joshua 7:15

Di pesin wey dem katch with di propaty, dem must burn am with evribody wey bi en own, bikos e nor do wetin God tok and e don disgrace Israel pipol.’ ”

1 Samuel 14:29

Den Jonatan ansa, “My papa don kause wahala for di land. Si as my body just fresh wen I taste only small for di honey.