Joshua 4:23 - Holy Bible Nigerian Pidgin English

²³ Di Oga una God dry Jordan River for una and una waka pass, just as E dry di Red Sea make wi waka pass.

Joshua 4:23 Iomraidhean Croise

1 Kings 8:43

My Oga God, make Yu listin to dia prayer. For heaven wey Yu dey, make Yu hear and do wetin dem sey make Yu do, so dat evribody for di world go know and obey Yu, just as yor pipol Israel dey do. Den dem go know sey dis temple wey I build, na di place where dem go for dey woship Yu.

Nehemaya 9:11

Yu divide di sea for yor pipol kon lead dem pass for dry groun. But Yu make di wota swallow di pipol wey dey porshu dem and dem kon sink like stone.

Psalms 78:13

For der, E divide di sea kon take dem pass as di wota stand up like wall!

Exodus 14:21

So Moses stresh en hand face di sea and God kon divide di sea with strong breeze for nite, den di wota turn to dry land.

Exodus 15:19

“Wen Fero men with dia shariot enter di sea, Oga God kon make wota swallow dem, but Israel pipol waka pass for dry groun.”

Isaya 43:16

God wey make road pass di sea and where wota dey, dis na wetin E tok.