Joshua 24:19 - Holy Bible Nigerian Pidgin English

¹⁹ Joshua kon warn di pipol, “Una nor go fit dey woship God as E wont, bikos E dey holy. E dey jealous and E nor go forgive una if una turn from am kon sin.

Joshua 24:19 Iomraidhean Croise

2 Kronikles 36:16

But dem laf God messenjas, rijet en warnin and en profets. At last, God vex for en pipol and nobody fit stop am wen E dey vex.

Psalms 99:3

So, make wi praiz God great and wonderful name, bikos E dey holy!

Psalms 99:5

So make una praiz di Oga awa God! Make una bow woship am, bikos E dey holy!

Psalms 99:9

So make wi praiz di Oga awa God! Make wi woship am for en holy hill, bikos di Oga awa God, dey holy!

Exodus 20:5

Make una nor bow or serve dem, bikos na mi bi di Oga una God and I dey jealous well-well. I bi God wey dey ponish shidren and dia shidren-shidren, bikos dia papa Rijet mi.

Exodus 23:21

Make una listin and obey en vois; make una nor disobey am, bikos e nor go forgive una sins and e dey ansa my name too.

Exodus 34:14

Una must nor woship any oda god, bikos di Oga God wey en name na Jealousy, na God wey dey really jealous.

Exodus 34:7

I dey keep my promise to tazon generashons. I dey forgive evil and sins. But I nor go fail to ponish wiked pipol with dia shidren-shidren. I go ponish di third and fourt generashon, bikos of wetin dia papa do naw.”

Isaya 2:9

Pipol dey bow dey woship dem, so my God, make Yu nor forgive dem at-all!

Isaya 27:11

Di pipol bi like trees branches wey don dry and skata for groun; wey wimen dey gada take do firewood. So, bikos di pipol nor undastand anytin, God wey kreate dem nor go sorry or pity for dem.

Isaya 30:11

“Nor do good again, but make yu kom join us. Make yu nor tell us about di Holy One for Israel again.”

Isaya 30:15

Dis na wetin di Oga wey bi Israel God dey tok: “I wish sey una gri turn from sin kom meet mi kon dey wait with patient, I for diliver una; if una kwayet, dey wait mi, I go give una strent and pawa, but una nor gri wait.

Isaya 5:16

Wen God wey dey lead heaven sojas don ponish dis pipol, dem go praiz am and afta E don judge all of dem, evribody go know sey Oga God get pawa well-well.

Levitikus 10:3

Moses tell Aaron, “Dis na wetin God tok: “ ‘Among di pipol wey dey klose to mi, I go show mysef holy to dem and for where evribody dey, na der dem go for honor mi.’ ” So Aaron nor tok anytin.

Levitikus 11:44

I bi di Oga una God and una go make unasef pure kon dey holy, bikos I dey holy. Una must nor dirty unasef.

Levitikus 11:45

Na mi bi God wey take una komot from Egypt, so dat I go bi una God and una go dey holy, bikos I dey holy.

Levitikus 19:2

“Make yu tell Israel pipol sey, ‘Una must dey holy, bikos mi wey bi Oga una God, dey holy.

Levitikus 20:26

Una must dey holy to mi, bikos mi wey bi God dey holy and I don separate una as my own.

Levitikus 20:7

“ ‘Make una keep unasef holy, bikos na mi bi di Oga una God.

Nahum 1:2

Oga God dey jealous well-well; E dey ponish doz wey dey oppoz am and E dey fight against en enemies!

Habakkuk 1:13

Yor eyes too dey holy to si bad tins and Yu nor dey like si pipol wey dey do wiked tins. So wetin make Yu dey sorry for dem? Wetin make Yu kwayet wen wiked pipol dey distroy pipol wey good pass dem?

Matiu 6:24

“Nobody go fit serve two oga, e go hate one kon love di oda one, or e go serve one with all en heart and nor respet di oda one. Nobody go fit serve God and money for di same time.

Joshua 24:18

God porshu all doz nashons komot for us, plus Amor pipol wey dey stay di land. So wi go woship di Oga God, bikos na-im bi awa God!”

Joshua 24:23

Den Joshua sey, “So make una trowey all di oda gods wey una get kon respet only di Oga wey bi Israel pipol God.”

Rut 1:15

So Naomi tell am, “Si, yor husband broda wife dey go back go meet en pipol and en god. So make yu follow yor husband broda wife go back!”

1 Samuel 3:14

So, I don swear for Eli house sey, ‘Dem nor go fit use sakrifice or korn ofrin take forgive di sin wey Eli family kommit.’ ”

1 Samuel 6:20

Di pipol wey dey stay Bet-Shemesh kon ask, “Na who go fit stand before di Oga awa God wey dey holy? Na where wi won send di box go, so dat God go leave us?”