Joel 2:26 - Holy Bible Nigerian Pidgin English

²⁶ Una go get plenty food to chop kon beleful. Una go praiz di Oga una God wey don do many wonderful tins for una and nobody go laf my pipol again.

Joel 2:26 Iomraidhean Croise

Jenesis 33:11

So, abeg, make yu take all dis present wey I bring kon give yu, bikos God dey good to mi and I get evritin wey I wont.” Wen Jakob beg am well-well, e kon take dem.

Nehemaya 9:25

Yor pipol seize strong-strong towns; betta-betta land; house wey propaty full; well wey dem don dig; olive trees; fruit trees and vineyards. Dem chop anytin wey dem wont kon fat and dem enjoy all di good tins wey Yu give dem.

Psalms 103:5

E satisfy awa life with good tins and even as wi still dey yong, awa life strong like eagle own.

Psalms 116:7

So my soul go rest again, bikos God dey good to mi.

Psalms 13:6

Yes! I go sing to God, bikos E don save mi.

Psalms 22:26

Make doz wey dem dey opress, si food kon chop beleful. Evribody wey dey fine God, go praiz am and dia heart go dey happy with joy wey nor dey end.

Psalms 37:19

E nor go leave dem wen tins hard and even wen honga dey, dem go get enough food to chop.

Psalms 67:5

My God, make evribody for dis world tank Yu! Make all di nashon give Yu praiz!

Psalms 72:18

Make una praiz di Oga wey bi Israel pipol God bikos of di wonderful tins wey E do and na only en fit do dem.

Proverbs 13:25

Doz wey dey fear God, go get enough food to chop, but na honga go kill wiked pipol.

Song of Songs 5:1

I don enter my gardin, my treasure and wife to bi! I don gada myrrh with spices and I don chop my honi-komb and my honey; I don drink my wine and my milk! Una wey sabi love, make una chop and drink until love shark una.

Isaya 25:1

Oga God, na Yu bi my God! I go praiz yor name kon show as Yu good rish, bikos Yu don do wonderful tins and na as Yu tok before-before, na so Yu do am.

Isaya 29:22

So Oga God wey diliver Abraham, dis na wetin E dey tell Jakob shidren-shidren: “My pipol, dem nor go disgrace una again and una nor go dey shame again.

Isaya 45:17

But God go save Israel and dia viktory go bi forever. Nobody go ever disgrace God pipol again.

Isaya 49:23

Kings go bi like una papa and kweens go bi like una mama. Pipol go bow dey honor una with respet. Den una go know sey na mi bi God, bikos I nor go disgrace anybody wey dey wait make I help am.”

Isaya 54:4

Make una nor fear, dem nor go disgrace una again. Make una nor fear at-all, bikos una nor go face shame again. Una go forget una shame wey happen wen una dey small and una nor go remember di sofa wey una sofa wen una nor get shidren.

Isaya 55:2

Why una dey spend una money for wetin nor go beleful una? Why una dey spend una money wen una know sey hongry go still kill una? Make una listin and do wetin I tok, den una go enjoy di best food.

Levitikus 25:19

Di land go produce food and una go chop until una beleful and una nor go fear for di land.

Levitikus 26:26

Una nor go get food to chop and ten wimen go dey bake all dia bread wey dem get for only one oven. Dem go share am and afta una don chop finish, una go still dey hongry.

Levitikus 26:5

Una harvest go plenty well-well, sotey una go still dey harvest korn until di time to pick grape and una go still dey pick grape for di time to plant korn. Una go get all wetin una won chop and una nor go fear for di land wey una dey stay.

Mikah 6:14

Even wen una chop, e nor go ever beleful una and una go still dey hongry like sey una neva chop at-all. Even doh una dey try to save money, e nor go mean anytin for di end. Una go save small, but I go gi-am to doz wey go distroy una.

Zefanaya 3:11

For dat day, una nor go dey shame bikos of all una sturbones against mi. I go distroy doz wey dey boast among una and una nor go ever dey sturbon for my holy hill again.

Zekaraya 9:15

Oga God wey get pawa go protet en pipol and dem go distroy dia enemies. Dem go dey shaut for war like who drink dey katch and dem go kill dia enemies finish. Dia enemies blood go plenty well-well like sakrifice blood wey dem pour put for di altar.

Zekaraya 9:17

Dem go dey good and fine well-well! Di korn and wine wey di yong pipol go dey chop and drink, go make dem grow and dey strong.

Romans 10:11

Bikos God word sey, “Anybody wey bilive am, nor go shame.”

Romans 5:5

Dis hope nor dey disappoint pesin at-all, bikos God pour en love like river wey dey flow inside awa heart, thru di Holy Spirit wey E give us.

Romans 9:33

God word sey: “Si, for Zion, I dey arrange stones wey go make pipol fall, yet doz wey bilive am, E nor go disappoint dem.”

Deutronomi 11:15

E go give una animals plenty grass for di land and una go chop beleful.

Deutronomi 12:12

For der, una must celebrate for di Oga una God present, with all una shidren, savants and Levi shidren wey dey stay una town, (bikos dem nor get land or propaty among una).

Deutronomi 12:18

Una must chop dis tins for di Oga una God present and e go bi for di place wey E choose. Make una chop for der with una shidren and Levi wey dey stay with una and for evritin wey una dey do, make una dey celebrate for di Oga una God present.

Deutronomi 12:7

For der, una with una family go chop for di Oga una God present and una go happy for evritin wey una get, bikos di Oga una God don bless una.

Deutronomi 8:10

Una go chop beleful kon praiz di Oga una God, bikos of di good land wey E give una.

1 Timoti 6:17

Make yu give dis kommand to rish pipol. Tell dem sey, make dem nor dey karry body up kon dey trust dia money wey nor get value and make dem dey trust God wey dey give us evritin wey wi nid to take enjoy dis life.

1 John 2:28

Naw my shidren, make una stay inside am, so dat wen E kom, awa heart go dey strong well-well and shame nor go make us run from where E dey.