Joel 2:22 - Holy Bible Nigerian Pidgin English

²² Make una animals nor fear. Di field go get grass; di trees go bear dia fruit and fig and grapes go plenty well-well again.

Joel 2:22 Iomraidhean Croise

Jenesis 4:12

Wen ever yu try to plant seed for di groun, e nor go grow well for yu. Yu go dey waka anyhow for dis eart without house.”

Psalms 36:6

Yor goodness bi like di highest mountin and di way Yu dey judge, klean like river bottom. Yu protet both pipol and animals.

Psalms 65:12

Di grass for wildaness dey fresh and di hill dey shine with joy.

Psalms 65:13

Na animals full di fields and na betta food full di valley. Evritin dey sing and shaut for joy!

Psalms 67:6

All di seed wey dem plant dey grow well for di eart, so make di Oga awa God, bless us!

Isaya 51:3

I go sorry for Jerusalem and evribody wey dey stay di land wey dem skata. Even doh en land na desert, I go turn am to gardin and e go bi like Eden gardin. Joy and happiness go dey der and dem go sing songs take praiz and tank mi.

Ezekiel 36:30

I go make di fruit and food for una tree and fields many pass before, so dat honga nor go make una go beg oda nashons.

Ezekiel 36:35

Dis land wey bi like wildaness before, evribody go si and tok how e don turn and fine like Eden Gardin and how di town wey skata rish groun before, don fine and get pipol again.

Ezekiel 36:8

“But trees go grow again on-top Israel mountins and dem go bear fruits for my pipol Israel and una go-go back to una own land.

Jonah 4:11

den why yu feel sey I know go sorry for Nineveh town wey dey for darkness? Place where en pipol many pass one hundred and 20,000 and wey get many animals.”

Haggai 2:16

Dat time, una go where dem pak korn full, dey tink sey una go si twenty sak, but na only ten una si. Una go draw fifty gallon for wine, but na only twenty una get.

Zekaraya 8:12

Nobody go wahala dem wen dem dey plant dia seed. Dia vine go get many fruits; di groun go produce food and rain go always dey fall for dem. I go give all dis blessings to my pipol wey remain.

1 Korintians 3:7

Pesin wey plant and di one wey wota, nor mean anytin, bikos na God dey make di seed grow.