Joel 2:21 - Holy Bible Nigerian Pidgin English

²¹ So, make di land nor fear, instead make una happy well-well, bikos of wetin God don do for una.

Joel 2:21 Iomraidhean Croise

Jenesis 15:1

Afta all dis tins, God tok to Abram for vishon: “Abram! Make yu nor fear! Na mi dey guide yu and yor reward go big well-well.”

Psalms 71:19

My God, yor good judgement dey rish di heavens and Yu don do many wonderful tins, so na who bi like Yu?

Psalms 98:8

Make di rivers klap dia hand as dem dey praiz God. Make di hills sing dia song for joy

Isaya 35:1

Make di desert and doz dry aria, happy. Make di wildaness happy kon grow well like lily flower!

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 44:23

Heavens, make una shaut dey happy! All di deep part for dis eart, make una shaut well-well! Make mountins and evry tree for di forest, shaut too, bikos God protet Israel pipol kon show how E great rish.

Isaya 54:4

Make una nor fear, dem nor go disgrace una again. Make una nor fear at-all, bikos una nor go face shame again. Una go forget una shame wey happen wen una dey small and una nor go remember di sofa wey una sofa wen una nor get shidren.

Isaya 55:12

Una go komot from Babilon with joy and dem go lead una komot from di town with peace. Di mountins and hills go dey sing and di trees go dey shaut with happiness.

Jeremaya 33:3

“Koll mi wen yu dey pray and I go ansa yu; I go tell yu great and wonderful tins wey yu nor know about.

Hosea 2:21

For dat time, wen my pipol Israel pray to mi, I go ansa dem.

Joel 2:20

I go remove di strong sojas wey kom from nort kon drive dem enter desert. I go drive dia leaders enter Dead Sea and doz sojas wey dey lead dem, I go drive dem enter Mediterranean Sea. Dia dead body go smell well-well. I go distroy dem, bikos of all wetin dem do una.

Joel 2:26

Una go get plenty food to chop kon beleful. Una go praiz di Oga una God wey don do many wonderful tins for una and nobody go laf my pipol again.

Zekaraya 8:15

But naw, I dey plan to bless Judah and Jerusalem pipol. So make una nor fear.

Deutronomi 4:32

True-true, make una look as e bi before, from di time wey God kreate pipol for dis eart kon rish naw and una look from where di heaven start go rish di end, anytin wey dey great like dis don ever happen or sey pipol si am before?

1 Samuel 12:16

“So, make una stand for where una dey kon wosh di great tins wey God go do and una go si am with una eye.

1 Samuel 12:24

Make una dey fear and serve God with all una heart. Make una si all di wonderful tins wey E don do for una!