Joel 2:11 - Holy Bible Nigerian Pidgin English

¹¹ God vois bi like tonda as E dey lead en sojas wey nobody fit kount. And doz wey dey obey en kommand, many and strong well-well. Di day wey God choose go great well-well, so na who go fit survive am?

Joel 2:11 Iomraidhean Croise

Psalms 18:14

E shot en arrow kon skata en enemies and as en lite flash, dem kon dey konfuse more-more.

Psalms 46:6

Nashons don skata and dia kingdoms dey fall! God shaut like tonda and di eart kon bigin melt!

Psalms 68:18

God klimb go where high well-well. E don katch and put many pipol for prison. Even men wey sin well-well dey praiz Yu. True-true, di Oga awa God dey stay for der!

Isaya 13:4

Di mountin dey make nois like wen many sojas dey mash! Strong wahala dey among di kingdoms and nashons dey gada togeda! Oga God wey dey lead heaven sojas, dey gada dem togeda to go fight.

Isaya 42:13

God dey go fight war like strong soja; E dey ready to fight. E go shaut. Yes! E go shaut for war kon distroy and win en enemies.

Isaya 7:18

“Wen dat time rish, God go blow wiso as sign for Egypt pipol and dem go kom like fly from evriwhere for Nile. Assyria pipol go kom from dia land like bees kon attack una too.

Jeremaya 25:30

“So, Jeremaya, make yu tell dem evritin wey I tok. Yu must tell dem sey, ‘Like lion wey won attack, na so too God go shaut from heaven! E go shaut for en pipol from en holy place. E go shaut like pesin wey dey mash grape wey dem won take do wine and evribody for di world go hear am.’

Jeremaya 30:7

Di day wen una go face sirious wahala dey kom and dem nor go fit kompare am with any oda day. Even doh di wahala go too mush for my pipol, dem go survive am.”

Jeremaya 50:34

But di Pesin wey go save dem, dey strong. Dem dey koll am Oga God wey dey rule ova evritin. E go fight for dem kon bring peace and rest kom di eart, but na trobol, wahala and pain go follow Babilon pipol.”

Ezekiel 22:14

Wen I don finish with una, una tink sey una go get strent or pawa to karry una hand? Mi God don tok and I go do wetin I tok.

Joel 1:15

God day don near, di day wen di Almighty go distroy evriwhere. Dat day go bad well-well!

Joel 1:6

Many sojas from one strong kountry don kom attack awa land. Nobody fit kount dem and dia tit strong and sharp like lion own.

Joel 2:1

Make yu blow di trumpet, so dat dem go hear am for Zion wey bi God holy hill. Make evribody fear well-well, bikos God day dey kom.

Joel 2:2

For dat day, darkness go kover di land and kloud go full evriwhere! Strong-strong sojas go kom and dem go bi like darkness wey spread kover di mountins. Dis kind tin neva happen before and sometin like dis nor go ever happen again.

Joel 2:25

Evry of una tin wey lokusts chop and distroy for doz years, I go give dem back to una, bikos na mi send doz lokust against una.

Joel 2:31

Di sun go turn to darkness and di moon go turn to blood. All dis tins go happen before di great day wey God don choose, go kom.

Joel 3:14

Plenty-plenty pipol dey Judgement Valley. For der, God day go soon kom.

Joel 3:16

God vois bi like lion own from Mount Zion; en vois dey make nois from Jerusalem and di eart with di sky kon dey shake. But God go defend and protet en pipol.

Amos 1:2

Amos sey, “God vois bi like lion own from Mount Zion; en vois for Jerusalem bi like tonda nois. All di trees and grass wey dey Mount Karmel, dry finish.”

Amos 5:18

E go bad well-well for una wey dey wait for God day! Wetin make una dey wait for dat day to kom? Instead make di day bring lite, na darkness go kom.

Amos 5:20

Instead make God day bring lite, na darkness go follow am kom. Dat day nor go good at-all, bikos e go dark well-well.

Obadaya 1:15

“God Judgement dey kom for all di nashons! Just as una do to Israel, na so too dem go do una. All una evil works go fall for una own head.

Nahum 1:6

Na who fit stand wen God dey vex? Who fit survive en vexnashon wey bi like hot fire? En vexnashon dey burn like fire and mountins dey skata to pieces for en present.

Malakai 3:2

But who go fit bear di day wen E go kom? Who go fit survive wen E go appear? Bikos E go bi like strong soap wey dey spoil klot and like fire wey dey melt iron.

Nombas 24:23

Den e profesai kon sey: “Yes! Na who go dey alive wen God don do all dis tins!

1 Tesalonians 4:16

God big angel go shaut dey kommand as Christ dey kom down from heaven; di angel vois go dey loud with God trumpet and doz wey bi Christian before dem die, go first go up.

Revelashon 18:8

Bikos of dis, na one day God go ponish am for all en sin with diziz, mourning, honga and dem go burn am with fire, bikos na Oga God wey go judge am, get all di pawa!”

Revelashon 6:17

Bikos di day to ponish dem, don kom and nobody go survive am.