Jeremaya 9:8 - Holy Bible Nigerian Pidgin English

⁸ Dia mout sharp like arrow and na so-so lie full am. Dem dey tok well with dia neighbours, but for dia mind, na trap dem dey set for di pesin.

Jeremaya 9:8 Iomraidhean Croise

2 Samuel 3:27

Wen Abner rish Hebron, Joab take am go di gate side like sey e won tok to am where nobody go hear, den e shuk Abner for belle. Na so e take kill Abner, bikos e kill Asahel wey bi en broda.

Psalms 12:2

Pipol dey lie give each oda; dem just dey deceive demsef.

Psalms 12:3

Make God kut di tongue wey dey tok anyhow kon distroy di mout wey dey boast!

Psalms 120:3

Una wey sabi lie well-well, una know how God go take ponish una? Una know how una wahala go plenty rish?

Psalms 28:3

Make Yu nor drag mi follow pipol wey dey do wiked; doz wey dey tok like sey dem bi friend to dia neighbour, but dem dey plan bad tins for dem for dia mind.

Psalms 35:20

Dem nor dey tok about peace. Dem dey plan against innocent pipol wey dey mind dia business.

Psalms 55:21

Dia words dey smooth like butter, but dia heart strong like stone. Dia word smooth well-well like pomade, but na dagger dey under dia tongue!

Psalms 57:4

Na lions gada round mi so! I dey with pipol wey won kill mi; pipol wey dia tit sharp like spear and arrow and wey dia words dey kut like swods.

Psalms 62:5

But my soul and body dey kwayet dey wait for God, bikos na-im dey make my heart strong.

Psalms 64:8

Na dia own bad word go kill dem. And anybody wey si dem, go shake en head kon sorry for dem.

Proverbs 25:18

To lie for pesin head bi like to kill pesin with swod, wound am with sharp arrow or shot am.

Jeremaya 5:26

Wiked men dey stay among my pipol, dem dey wait like pipol wey dey spread net to katch bird or set trap to katch pipol.

Jeremaya 5:9

Naw, God sey, ‘I go really ponish dem for evritin wey dem do. Yes! I go bring sorrow and pain kom dis nashon!’ ”

Jeremaya 9:3

God sey, “Dis pipol bi like sojas wey don ready dia bows. Dem always dey ready to lie, bikos of dis, dem don get pawa for di land, but na wayo dem take get am. Dem don do many bad tins and dem nor dey tink of mi wey bi dia God.

Jeremaya 9:4

Make evribody dey kareful of en friends and make yu nor trust yor broda, bikos even broda dey shit en broda. And friends dey lie against each oda well-well.

Jeremaya 9:5

Friends dey deceive friends and nobody dey tok trut. Dem don train demsef to dey lie and do bad tins. Dem nor gri turn from sin kom meet God.

Mikah 6:12

Di rish pipol among una dey get more money thru wayo and wikedness. Una pipol don too good with lie and trut nor dey dia tongue again.