Jeremaya 9:5 - Holy Bible Nigerian Pidgin English

⁵ Friends dey deceive friends and nobody dey tok trut. Dem don train demsef to dey lie and do bad tins. Dem nor gri turn from sin kom meet God.

Jeremaya 9:5 Iomraidhean Croise

Jenesis 19:11

Di angel kon make di pipol eye blind; from di yong ones go rish di old ones. Den di men for outside kon dey find di door.

Job 11:3

Yu feel sey yu words nor go make mi tok? As yu dey tok to God as yu like, so nobody fit tell yu sey wetin yu dey do nor good?

Job 15:5

Na yor sin dey kontrol yor mout and na yeye words yu choose to tok.

Psalms 140:3

Dia tongue dey wound pipol like snake and dia lips dey bring out snake poizin.

Psalms 50:19

Na so-so wiked tins full una mout and na lie-lie full una tongue.

Psalms 52:3

Yu like bad tins pass good ones and yu love lie-lie pass trut.

Psalms 64:3

Dem don sharp dia tongue like swod kon ready to shot dia betta words wey bi like arrows.

Psalms 7:14

Pesin wey karry wikedness and bad plans for belle, dey born lie-lie.

Proverbs 12:5

Good pipol dey always tink good, but make yu nor ever trust anytin wey wiked pipol tell yu.

Proverbs 4:16

Wiked pipol nor dey fit sleep until dem do bad tin. Dem nor go gri rest until dem wound pesin.

Isaya 5:18

God go ponish pipol wey dey kause trobol with dia sins and lie-lie words; dem dey use dia hand bring wahala for demsef, bikos of dia wikedness.

Isaya 57:10

Naw, make una si as una dey work hard to find oda gods and yet e nor dey taya una. Una tink sey na bikos una juju dey give una pawa, na-im make una nor dey taya to work?

Jeremaya 12:13

My pipol go plant korn, but na grass dem go gada. Even doh dem work hard, nor-tin go show sey dem work, bikos I dey vex for dem, so dia food wey dem plant, nor go grow.”

Jeremaya 12:6

Even yor own brodas and family dey against yu; dem don join doz wey won kill yu. Make yu nor trust dem, even doh dem dey trit yu well.”

Jeremaya 13:23

Black man fit shange en skin kolour, abi leopard fit komot di mark wey dey en body? If dem nor fit, den e go hard for wiked pesin to do good, bikos na only to do bad tins, e sabi.

Jeremaya 4:22

But God sey, “My pipol foolish well-well, dem nor know mi at-all. Dem bi shidren wey nor get sense and dem nor dey kwik undastand anytin. Na only bad-bad tins dem sabi do.”

Jeremaya 51:58

Dem go distroy Babilon strong wall kon burn dia big-big gate. Evritin wey Babilon build, go skata go like dat.”

Jeremaya 51:64

sey, ‘Dis na wetin go happen to Babilon. E go sink and e nor go raiz-up again, bikos of di way God go distroy am.’ ” Na here Jeremaya message for finish.

Jeremaya 7:28

So tell dem sey: “Dis na nashon wey nor gri obey di Oga dia God or learn from dia wahala. Nobody for der dey good and di pipol nor dey even tok about good tins again.

Jeremaya 9:3

God sey, “Dis pipol bi like sojas wey don ready dia bows. Dem always dey ready to lie, bikos of dis, dem don get pawa for di land, but na wayo dem take get am. Dem don do many bad tins and dem nor dey tink of mi wey bi dia God.

Jeremaya 9:8

Dia mout sharp like arrow and na so-so lie full am. Dem dey tok well with dia neighbours, but for dia mind, na trap dem dey set for di pesin.

Ezekiel 24:12

But all dis yeye tins nor go vanish komot like dat.

Mikah 6:12

Di rish pipol among una dey get more money thru wayo and wikedness. Una pipol don too good with lie and trut nor dey dia tongue again.

Mikah 6:3

My pipol, wetin I do una? Wetin I do wey make una taya for mi? Make una ansa mi naw!

Habakkuk 2:13

But make una dey sure about dis! Oga God wey dey kommand heaven sojas don tok: Evritin wey di nashons dey do nor mean anytin; all dia work go dey yuzles.

Malakai 2:10

Nor bi di same papa all of us get? Nor bi di same God kreate all of us? Den why wi dey break awa promise wey wi make to each oda kon hate di kovenant wey God make with awa grand-grand papa dem?

Efesians 4:25

Since una don stop to lie, make una start to tok trut give una neighbour, bikos all of us na membas for Christ body.

1 Timoti 4:2

Dis pipol dey lie and na wayo dem sabi do and dia mind don skata.

Judges 2:10

Afta dat generashon die finish, di next generashon forget God and evritin wey E don do for dem.