Jeremaya 9:4 - Holy Bible Nigerian Pidgin English

⁴ Make evribody dey kareful of en friends and make yu nor trust yor broda, bikos even broda dey shit en broda. And friends dey lie against each oda well-well.

Jeremaya 9:4 Iomraidhean Croise

Jenesis 32:28

Den di man sey, “Dem nor go koll yu Jakob again, but from today go, na Israel dem go dey koll yu, bikos yu don fight with God and man and yu don win.”

Psalms 101:5

I go distroy anybody wey dey plan bad for en neighbour and I nor go sorry for who dey deceive pipol or doz wey get pride.

Psalms 15:3

Doz wey nor dey judge odas, wound dia neighbours or tok bad about dia friends.

Proverbs 10:18

Anybody wey pritend sey e like pesin, dey lie and anybody wey dey lie waka, na fool.

Proverbs 25:18

To lie for pesin head bi like to kill pesin with swod, wound am with sharp arrow or shot am.

Proverbs 4:16

Wiked pipol nor dey fit sleep until dem do bad tin. Dem nor go gri rest until dem wound pesin.

Proverbs 4:17

Wikedness and wahala bi like food and drink to dem.

Proverbs 6:16

E get seven tins wey God hate and E nor wont make anybody do dem and dem bi:

Proverbs 6:19

doz wey dey lie for anoda pesin head and pipol wey dey kause trobol among dia friends.”

Isaya 59:13

Wi don fight, rijet and refuse to follow Yu. Wi opress odas kon turn from Yu. All wetin wi dey tok and tink, na lie dem bi.

Isaya 9:16

Di leaders don konfuse dis pipol kon lead dem enter distroshon.

Jeremaya 12:6

Even yor own brodas and family dey against yu; dem don join doz wey won kill yu. Make yu nor trust dem, even doh dem dey trit yu well.”

Jeremaya 6:28

I ansa, “Dem bi sturbon and wiked pipol; dia heart strong like bronze and iron. Dem dey lie waka and na so-so bad-bad tins dem dey do.”

Jeremaya 9:8

Dia mout sharp like arrow and na so-so lie full am. Dem dey tok well with dia neighbours, but for dia mind, na trap dem dey set for di pesin.

Ezekiel 22:9

Some of una dey lie for pipol head, so dat dem go kill dem. Some dey chop food wey dem don sakrifice give juju and some like ashawo life.

Levitikus 19:16

Make una nor lie about anybody and if anybody dey pass thru problem for life; make una help am. Na mi bi God.

Malakai 2:10

Nor bi di same papa all of us get? Nor bi di same God kreate all of us? Den why wi dey break awa promise wey wi make to each oda kon hate di kovenant wey God make with awa grand-grand papa dem?

Matiu 10:17

“Make una dey ready, bikos pipol go arrest una karry go kourt and flog una for dia sinagog.

Matiu 10:21

“Broda go sell en own broda give pipol make dem kill-am and na so papa go sell en own pikin too. Shidren go fight and kill dia papa and mama.

Luke 21:16

Una papa, mama, brodas, rilashons and friends go sey dem nor know una and dem go even kill some of una.

1 Tesalonians 4:6

Make nobody shit en Christian broda or make am vex, bikos na God go fight for di pesin wey yu shit and wi don tell una before and wi still dey warn una sey, God go really ponish pipol wey dey do like dat.