Jeremaya 9:24 - Holy Bible Nigerian Pidgin English

²⁴ If anybody won boast, make e boast sey e know and undastand mi, bikos my love dey forever and I dey do wetin dey korrect and true. I like pipol wey dey do dis kind tin. Mi, wey bi God, don tok.”

Jeremaya 9:24 Iomraidhean Croise

Psalms 20:7

Some nashon dey make mout and trust dia shariot and sojas, but na awa Oga God name wi take dey boast.

Psalms 34:2

Na only God name I go take boast; so make doz wey dem dey opress, listin and happy well-well.

Psalms 34:3

Kom make wi tok about how God great rish; kom make wi praiz en name togeda.

Psalms 44:8

My God, wi go always dey give Yu glory and praiz yor name forever and ever.

Psalms 44:9

But naw, Yu don rijet and disgrace us. Yu nor dey follow awa sojas go fight again.

Psalms 51:1

My God, make Yu sorry for mi, bikos of yor love where nor dey fail. Make Yu forgive mi my sins, bikos Yu dey sorry for pipol.

Psalms 91:14

God sey, “I go save pipol wey love mi. I go protet doz wey trust my name.

Psalms 99:4

Di king dey strong; E love to judge well. God dey make sure sey dem judge evry kase well. Na Yu make betta judgement and raitiousness dey for Israel land.

Isaya 20:5

Pipol wey trust Ethiopia and bilive sey Egypt go save dem, go fear and shame go katch dem.

Isaya 41:16

Una go blow dem and breeze go skata and karry dem go. Una go dey happy, bikos na mi bi una God, den una go praiz mi wey bi Israel God wey dey holy.

Isaya 45:25

Dem go bless and praiz Israel pipol, bikos of di Oga awa God.”

Isaya 61:8

God sey, “I like betta judgement, but I hate opreshon and wahala. I go dey faithful to reward my pipol and make kovenant wey go last with dem.

Jeremaya 22:16

E judge poor pipol well and evritin go well with am, den God kon sey, ‘Dat na betta ezample to show sey yu know mi.’

Jeremaya 4:2

den, na only my name una go take swear sey, ‘As long as God dey alive, wi go do wetin wi promise’, den all di nashons go praiz mi and I go bless dem bikos of una.”

Mikah 6:8

No! My pipol, God don tell una wetin dey good and wetin E wont from una, na to dey do wetin dey rite; show love; dey obey and respet am.

Mikah 7:18

E nor get anoda god like Yu; Yu dey forgive yor pipol wey survive. Yu nor dey vex forever, instead, Yu dey happy to show yor pipol yor love wey nor dey end.

Matiu 11:27

“My Papa put evritin for my hand. Nobody know di pikin, but na only en Papa know am. Nobody know di Papa, but na only di pikin and anybody wey di pikin choose to show.

Luke 10:22

“My Papa don give mi evritin. Nobody know who di pikin bi escept di Papa and nobody know who di Papa bi escept di pikin and pipol wey di pikin choose to show.”

John 17:3

Life wey nor dey end, dis na wetin e mean, ‘Na make pipol know yu wey bi di only true God and Jesus Christ, wey yu send.’

Romans 5:11

Nor bi only dis won make us dey happy, but wi still dey happy bikos of wetin God don do thru awa Oga God Jesus Christ wey make us bi God friends.

1 Korintians 1:31

bikos, God word sey, “Anybody wey won boast, make e use Christ take boast.”

2 Korintians 10:17

But pesin wey won boast, make e boast about di work wey Jesus do.

2 Korintians 4:6

Bikos God wey sey, “Make lite shine from darkness,” Na-im dey shine inside awa heart, so dat E go give us di lite wey show us en glory wey dey Christ face.

Galatians 6:14

I nor go boast about anytin escept for di sofa wey awa Oga God Jesus Christ sofa and bikos of dat sofa, di world nor mean anytin to mi and I don die to di world too.

Filippians 3:3

Na wi bi di really sekonsishon; di pipol wey dey woship God thru en Spirit; pipol wey dey happy inside Christ and wi nor dey put awa hope for wetin pipol dey do.

1 John 5:20

Wi know sey God Pikin don kom and e don give us sense to know di trut about God. And wi dey inside en Pikin Jesus Christ. Na-im bi di real God and na-im bi di life wey nor go end.

1 Samuel 15:22

Den Samuel sey, “Na wish one God like pass: to obey am or to offa ofrin and sakrifice? E betta to obey dan to sakrifice di best sheep gi-am.