Jeremaya 7:28 - Holy Bible Nigerian Pidgin English

²⁸ So tell dem sey: “Dis na nashon wey nor gri obey di Oga dia God or learn from dia wahala. Nobody for der dey good and di pipol nor dey even tok about good tins again.

Jeremaya 7:28 Iomraidhean Croise

Psalms 12:2

Pipol dey lie give each oda; dem just dey deceive demsef.

Psalms 50:17

Una nor gri listin to my kommand, instead una dey do my word anyhow like dirty.

Proverbs 1:7

For yu to get wisdom, yu most fear God, but na only foolish pipol dey rijet wisdom and good advise.

Isaya 30:9

Bikos dis pipol sturbon and dey lie well-well; dem bi shidren wey nor gri obey God law.

Jeremaya 11:10

Dem don kontinue di wiked tins wey dia grand-grand papa dem do before, wey make dem nor obey my kommand. Demsef don dey woship oda gods. Both Israel and Judah pipol don break di kovenant wey I make with dia grand-grand papa.

Jeremaya 17:23

But una grand-grand papa nor listin to mi, bikos dem sturbon and nor gri obey or learn from mi.” ’

Jeremaya 2:30

“Even as I ponish una shidren rish, dem nor gri shange or listin as I dey korrect dem. Just as lion dey kill en enemy, na so too una don kill una profets finish.”

Jeremaya 32:33

Instead of dem to obey mi, dem turn dia back give mi. And even as I dey try to tish dem rish, dem nor gri learn or listin.

Jeremaya 5:1

God sey, “Waka round Jerusalem street kon shek for where pipol gada weda una go si any good and raitious pesin. If una si, I nor go ponish di town again.

Jeremaya 5:3

My God, shebi na trut Yu wont? But even wen Yu ponish dis pipol, dem still nor gri shange and wen Yu nearly distroy dem, dem nor gri take korreshon. Dia heart strong like rock and dem nor won turn from sin kom meet Yu make Yu for forgive dem.

Jeremaya 6:17

Den God sey, “I choose profets make dem guide and warn una about di trumpet sound!” But di pipol ansa, “Wi nor won hear anytin!”

Jeremaya 6:28

I ansa, “Dem bi sturbon and wiked pipol; dia heart strong like bronze and iron. Dem dey lie waka and na so-so bad-bad tins dem dey do.”

Jeremaya 6:8

So Jerusalem pipol, make dis one bi warnin to una, if not, I go forget una kon make una land empty and nobody go fit stay der.”

Hosea 4:1

Israel pipol, make una hear wetin God dey tok! God dey akuiz evribody for Israel sey: “For dis land, nobody love mi, dey faithful or si mi as en God.

Zefanaya 3:2

Nobody fit tell am anytin, bikos e nor dey gri make dem korrect am. E nor trust God at-all and e nor dey listin to am.

Zefanaya 3:7

God sey, “I bin tink sey, ‘Una go really respet mi!’ Naw, make una do wetin I tok! If to sey una really gri do am, dem nor for skata una house with all dis ponishment.” But na only to sin una dey tink about.