Jeremaya 6:29 - Holy Bible Nigerian Pidgin English

²⁹ Di judgement fire dey burn and e go distroy many yuzles tins. So e dey yuzles to dey try to klean my pipol, bikos wiked pipol still dey among dem.

Jeremaya 6:29 Iomraidhean Croise

Proverbs 17:3

Na fire dem take dey test gold and silva, but na God dey test pesin heart.

Isaya 49:4

So I ansa, “I don work well-well, yet my work nor mean anytin! I use all my pawa, but I nor gain anytin.” But I still bilive sey, God go defend and reward mi for evritin wey I don do.

Jeremaya 15:19

Bikos of dis, God kon sey, “If yu turn from sin kom meet God kon stop wetin yu dey tok and tink, I go take yu back and yu go bi my savant again. If yu stop to tok anyhow, yu go bi my profet again. Den di pipol go won bi like yu and yu nor go bi like dem.

Jeremaya 9:7

So God wey dey rule evritin kon sey, “Like iron, na so too I go melt and test my pipol for fire, bikos dem don do wiked tins well-well. Abi na how I won do dem pass?

Ezekiel 24:12

But all dis yeye tins nor go vanish komot like dat.

Ezekiel 24:13

Jerusalem pipol! Una yeye life don make una dirty, even doh I try make una dey klean, una still dirty. Una nor go dey klean again until my vexnashon don fall on-top una with full force.

Hosea 11:7

Dem don gri sey dem nor go turn kom meet mi. Dem koll mi wey bi di Most High God, but I nor go raiz dem up at-all.

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”

1 Pita 1:7

Dis kind sofa go show sey una faith na really one. Gold wey go spoil one day, dem still dey test am for fire, tok-less of una faith wey get value pass gold and e go bring praiz, glory and honor wen Jesus Christ go kom.

1 Pita 4:12

My friends, make una nor sopraiz sey una dey pass thru trobol like pesin wey fire dey burn, bikos tins wey go make una fear, go must happen.

Judges 17:4

So wen di pikin give en mama di money, di woman take two hundred silva kon give pesin wey turn am to juju and dem kon put am for Mikaya house.