Jeremaya 49:3 - Holy Bible Nigerian Pidgin English

³ Heshbon pipol, make una kry, bikos dem don distroy Ai! Rabbah wimen, make una wear sak klot kon mourn. Make una dey konfuse, bikos dem go karry una god, Molek with en priests and princess, go anoda kountry.

Jeremaya 49:3 Iomraidhean Croise

2 Samuel 11:1

Before dry sizin, for di time wey kings dey go war, David send Joab with en ofisas join Israel pipol sojas and dem defeat Ammon pipol kon take-ova Rabbah town. But David stay for Jerusalem.

1 Kings 11:33

I go do dis tin, bikos Solomon rijet mi kon bigin woship oda gods. E dey woship Astarte wey bi Sidon juju; Kemosh wey bi Moab pipol god and Milkom, wey Ammon pipol dey serve. Solomon nor obey mi; e dey do bad tins and e nor keep my laws and kommand, just as David en papa keep am.

1 Kings 11:5

E bigin woship Astarte wey bi Sidon pipol juju and Milkom, di yeye god wey Ammon pipol dey serve.

2 Kings 23:13

Di king skata all di high place for Jerusalem east and Distroshon Mountin for sout, wey King Solomon build for Sidon pipol juju, Astarte and Kemosh di ashawo juju for Moab pipol, plus Ammon pipol juju wey bi Milkom.

Ezra 2:28

Bethel and Ai men na 223,

Isaya 13:6

So make una kry with pain, bikos di day wen God go judge una don near; di day wen God wey get pawa won take distroy evritin.

Isaya 14:31

Filistia towns! Make una shaut and kry for help. Make una fear, bikos betta smoke dey kom meet una from nort and dem bi strong sojas wey nor dey fear.

Isaya 15:2

Den Dibon pipol go klimb di hill go kry for dia shrine bikos of wetin happen to Nebo and Medeba town. Moab pipol go kry well-well. Evribody go barber bololo kon shave dia bear-bear.

Isaya 16:7

So Moab pipol go kry bikos of di wahala wey dem dey face; all of dem go kry if dem remember di fine food wey dem bin dey chop for Kir-Hareset town,

Isaya 23:1

Dis message na about Tyre pipol. Una wey dey drive ship, make una kry with pain. Dem don skata una house and dem tell una di news as una ship dey kom from Cyprus.

Isaya 23:6

So, Foenicia pipol wey dey stay near di sea, make una kry well-well! Make una run go Tarshish!

Jeremaya 4:8

So make una wear sak klot, kry and roll for groun, bikos God still dey vex well-well for Judah.

Jeremaya 46:25

Israel God still sey, “I go ponish Amon; Tebes god; Egypt with en gods and kings. I go karry Egypt king with doz wey trust am

Jeremaya 48:2

Pipol nor go praiz Moab again. Enemies don seize Heshbon land kon plan as dem go take distroy Moab town. Dem go distroy Madmen town too and na wiked sojas go mash kom skata am.

Jeremaya 48:20

Dem go ansa, ‘Moab don fall! Make una kry for am, bikos dem don disgrace am. Make una shaut near Arnon River sey, “Moab don skata!” ’

Jeremaya 48:37

All of dem don shave dia hair and barber dia bear-bear. Dem wear sak kon kut dia hand, so dat di marks go show sey dem dey mourn.

Jeremaya 48:7

Moab! Yu trust yor pawa and di many money wey yu get, but naw, yu go die and strenjas go karry Kemosh wey bi yor god, en prince and priests, go anoda land.

Jeremaya 49:1

Dis na wetin God tok about Ammon pipol: “Una tink sey nobody remain for Israel again? Abi una feel sey dem nor dey again so nobody go kollect dia land back? Na dis make una dey woship Molek bikos una don take-ova Gad land kon dey stay der?

Jeremaya 51:8

But na wons Babilon fall kon skata. Make una mourn for am! Make una find medicine for am, may bi dat one fit cure am.

Jeremaya 6:26

I still sey, “My pipol! Make una wear sak klot and roll for groun. Make una kry well-well and mourn like sey una only pikin just die. Bikos very soon, doz wiked sojas go kom distroy all of us.”

Amos 1:15

Dem go karry dia king and en ofisas as slave go anoda land.” Dis na wetin Oga God tok.

Zefanaya 1:5

bikos dem klimb on-top dia house go bow for di sun, moon and stars. Dem dey klaim sey dem dey follow God, but dem still dey woship Molek juju.

James 5:1

Yu wey get money, make yu listin! Cry make dem hear yor vois, bikos of di bad tins wey go happen to yu.

Joshua 7:2

Joshua send men from Jeriko sey make dem go spy Ai town (Ai town dey near Bet-Aven, di east side for Bethel land) e kon tell dem, “Make una go spy di land.” So di men kon go spy di town.

Joshua 8:1

God tell Joshua, “Make yu nor fear or bigin shake! Take all di sojas make una mash go Ai! Si, I dey give yu Ai king, plus di pipol and di town.

Joshua 8:28

Joshua burn Ai and nobody fit stay der (na so e bi till today).