Jeremaya 46:5 - Holy Bible Nigerian Pidgin English

⁵ But God ask, “Na wetin I dey si so? Dem dey turn back, bikos of fear. Babilon sojas win dia sojas and dem kon run. Dem fear kon kwik-kwik run and dem nor even look back.

Jeremaya 46:5 Iomraidhean Croise

Jenesis 19:17

Den one of di angels kon sey, “Make una run! Make nobody look back and make una nor stop for di valley until una rish di mountin, so dat nobody go die.”

Isaya 13:8

Fear go katch all of dem with pain like woman wey won born. Dem go dey look each oda with fear and shame go full dia face.

Isaya 19:16

For dat time, Egypt pipol go bi like wimen. Dem go shake dey fear bikos Oga God wey dey lead heaven sojas don dey ready to ponish dem.

Isaya 42:17

But for all of una wey trust juju, wey dey koll image una gods, dem go sofa and disgrace una.”

Isaya 5:25

God dey vex for en pipol and E don ready to ponish dem. Mountins go shake and pipol wey die, dem go leave dia dead body for street like dirty. God vexnashon nor go end for der, but E go still ponish dem.

Jeremaya 20:10

I hear as pipol dey gossip mi. Dem dey koll mi, “Di Man Wey Fear One Kill.” Dem dey treaten sey, “If yu tok anytin here, wi go ripot yu.” Even my friends before, dey look and dey wait make I fall. Dem dey sey, “E go fall enter di trap, den wi go know sey wi don revensh am back.”

Jeremaya 46:15

Wetin make una mighty god wey dem dey koll Apis, fall? Na God strike am.

Jeremaya 46:21

Even di sojas wey dem hire lazy like small goat. Instead make dem stand fight, na run dem dey run. Di day for dem to face wahala and ponishment, don kom.

Jeremaya 49:29

Make una seize dia tent, animals, curtain and evritin wey dey der. Make una take dia kamels, den tell di pipol sey, ‘Na fear go kill una!’

Jeremaya 49:5

I go make fear katch una from evriwhere and all of una go run. Evribody go run for dia life and nobody go gada una wey remain again.

Jeremaya 6:25

So my pipol, make una nor go farm or travel go anywhere, bikos di enemies dey der with dia swod and dem dey kause wahala for evriwhere.”

Ezekiel 32:10

Wetin I do yu go make many kountries dey fear and dia kings go dey shake with fear bikos of yor kondishon. For di day wey yu go fall, all of dem go dey fear for dia own life.”

Ezekiel 39:18

Dem go chop sojas body kon drink ruler and leaders blood; all dis pipol go die like ram, sheep, goat or like big melu.

Nahum 2:8

Nineveh town full with pipol before, but naw, all di pipol don run komot. Even wen somebody shaut, “Make una stop! Make una nor run!” But nobody gri listin to am.

Nahum 2:9

So naw, make una pak dia silva and gold, bikos Nineveh propaty many well-well! Nobody fit kount di money wey dem get.

Zefanaya 1:14

Di day wey God go make evribody fear, don near. E go kom kwik-kwik and nobody go like am, bikos for dat day, even strong men go kry.