Jeremaya 33:12 - Holy Bible Nigerian Pidgin English

¹² God wey mighty sey, “Dis land wey bi like desert where pipol or animals nor dey stay, I go turn am to where fresh green leaf go dey and shepad go take dia sheep go chop for der.

Jeremaya 33:12 Iomraidhean Croise

Song of Songs 1:7

My love, make yu tell mi! Na where yu won go feed yor animals today? Where yor sheep dem go for rest dis aftanoon? Make yu tell mi, if not I go dey waka up-and-down like ashawo for where yor friends and dia animals dey!

Isaya 65:10

Dem go woship mi kon lead dia sheep and melu go chop grass for Sharon and for Akor Valley for east.

Jeremaya 17:26

Den pipol go kom from Judah town and from all di village wey dey round Jerusalem; from Benjamin town go rish di hill, mountins and from sout for Judah. Dem go bring burnt ofrin, sakrifice, korn ofrin, incense and tanksgivin ofrin kom my temple.

Jeremaya 31:12

Bikos of di gift wey God give dem wey bi; korn, wine, olive oil, sheep and melu, dem go gada kom sing with happiness for Mount Zion. Dem go bi like gardin wey dem pour wota put well-well kon get evritin wey dem wont.

Jeremaya 31:24

Pipol go stay for Judah and all en towns; farmers go dey evriwhere and shepad go dey to guide dia animals.

Jeremaya 32:15

Israel God sey, “Pipol go buy many house, field and vineyard for dis land, again.” ’

Jeremaya 36:29

God sey make I tell di king: “Yu don burn di book kon dey ask Jeremaya, ‘Why yu sey Babilon king go kom distroy dis land, kill evribody and all di animal?’

Jeremaya 50:6

My pipol bi like sheep wey waka lost. Who dey guide dem don make dem lost. Dem dey waka anyhow for di mountins; dey from one hill go anoda. Dem don forget dia place where rest dey.

Jeremaya 51:62

Den make yu pray sey, ‘Oga God! Yu don sey Yu go distroy dis place and pipol or animals nor go stay der again and e go dey empty forever.’

Ezekiel 36:35

Dis land wey bi like wildaness before, evribody go si and tok how e don turn and fine like Eden Gardin and how di town wey skata rish groun before, don fine and get pipol again.

Haggai 1:4

“My pipol, e good as una dey stay for fine-fine house and my temple skata?”