Jeremaya 32:20 - Holy Bible Nigerian Pidgin English

²⁰ Yu do strong and wonderful tins for Egypt and Yu still dey do dem till naw, both for Israel and for all di nashon and naw, dem don know Yu for evriwhere.

Jeremaya 32:20 Iomraidhean Croise

2 Samuel 7:23

No kountry for dis world bi like Israel wey Yu komot from slave kon make dem yor pipol. Di big tins wey Yu do for dem, make pipol know yor name for di whole world. Yu save yor pipol from Egypt, plus di juju and gods wey dey der.

1 Kronikles 17:21

No kountry for dis world bi like Israel pipol wey Yu save from doz wey opress dem kon make dem yor pipol. Di big tins wey Yu do for dem, don make pipol know yor name for di whole world. Yu save yor pipol from Egypt kon drive oda pipol komot from di land for dem.

Nehemaya 9:10

Yu do wonderful mirakles against Egypt king, en ofisas and dia pipol, bikos Yu know as dem take opress yor pipol. Yu win and give yorsef name wey dem dey celebrate till today.

Nehemaya 9:11

Yu divide di sea for yor pipol kon lead dem pass for dry groun. But Yu make di wota swallow di pipol wey dey porshu dem and dem kon sink like stone.

Psalms 135:9

E do great tins kon judge both Egypt, Fero and all en savants just as dem deserve.

Exodus 10:2

All dis tins dey happen, so dat yu go fit tell yor shidren and grand-shidren how I take fool Egypt pipol with my mirakles, make dem for know sey na mi bi God.”

Exodus 3:20

So I go use my hand skata Egypt with all di wonders wey I go do among dem and afta all doz tins, e go let una go.

Exodus 7:3

But I go make Fero heart strong, even with all di signs and wonders wey I go do take warn am.

Exodus 9:16

Dis na di rizin why I neva kill yu. I just won show yu my pawa, so dat pipol go praiz my name for evriwhere for di eart.

Isaya 63:12

Where God wey do great tins thru Moses wey divide di sea kon lead en pipol pass di deep wota, so dat honor and glory wey nor dey end, go bi en own?”

Isaya 63:14

Just as dem dey lead melu go valley wey get betta grass, na so too God dey give en pipol rest. E lead en pipol kon bring honor to en name.

Jeremaya 13:11

Just as nika fine and dey tight pesin for waist, na so I wont make Israel and Jerusalem pipol whole mi tight. So dat dem go bi my pipol wey go dey praiz and honor my name; but dem nor gri obey mi.”

Daniel 6:28

Wen Darius still dey rule for Babilon and Cyrus dey rule for Persia, Daniel kom prosper well-well.

Daniel 9:15

“Naw, awa God, na Yu take yor pipol komot from Egypt with yor mighty pawa kon make name for yorsef wey dem nor fit forget forever. Wi don sin and wi dey bihave like wiked pipol.

Acts 7:36

Na dis Moses lead dem komot from Egypt. E still do plenty mirakles for Egypt, di Red Sea and inside di wildaness for forty years.

Deutronomi 11:3

Dem nor si all di wonderful signs wey E do for una wen una dey serve King Fero and en pipol for Egypt.

Deutronomi 4:34

Or God don ever try to diliver one kountry from anoda kountry with judgement, signs, wonders, war, strent, pawa or any oda tin wey dey make pesin fear like di ones wey God do for Egypt for una own eyes?

Deutronomi 6:22

God do many mirakle, signs and wonders for awa front, bikos E kause betta wahala for Egypt, Fero and en pipol.

Deutronomi 7:19

di betta judgement wey una si, di signs and wonders wey God do; en strent and pawa wey E use take-take us komot der and na so di Oga una God go do to all dis pipol wey una dey fear.