Jeremaya 31:18 - Holy Bible Nigerian Pidgin English

¹⁸ I hear Israel pipol dey tok with pain sey, “Oga God! Wi bi like animal wey dem nor train, but Yu don tish us to dey obey. So make Yu bring us kom back, bikos wi dey ready to kom meet Yu di Oga wey bi awa God.

Jeremaya 31:18 Iomraidhean Croise

Job 5:17

Na blessing dey follow di man wey God korrect! So make yu nor komplain wen God dey ponish yu for yor sins.

Psalms 118:18

Even doh God don ponish mi well-well, E nor let mi die.

Psalms 119:67

I bin dey sofa, bikos I waka live yor ways, but naw, I dey obey yor word.

Psalms 119:75

My God, I know sey yor laws nor dey bad or hard. Yu dey ponish mi, bikos e dey good for mi.

Psalms 31:15

My future dey yor hand. Make Yu save mi from my enemies pawa, bikos dem won kill mi.

Psalms 32:9

So, make yu nor bi like horse or animal wey nor get sense and wey nid kane to kontrol am.”

Psalms 80:19

Awa God, di warrior wey nobody dey si, make Yu give us life again! Make Yu just smile for us and wi go dey save!

Psalms 80:3

My God, make Yu bring us back to yorsef again. Make yor face shine upon us again and na only den wi go get rest of mind.

Psalms 80:7

My Oga wey bi God for Heaven Sojas, make Yu bring us back to yorsef again. Make yor face shine upon us again and na only den wi go get rest of mind.

Psalms 85:4

My God wey dey diliver us, make Yu save us again! Make Yu nor dey vex for us!

Psalms 94:12

So Oga God, make di pipol wey Yu dey ponish, happy. Doz wey Yu dey tish yor ways.

Proverbs 26:3

E dey eazy to whip horse and kontrol donkey, but e nor eazy to kontrol foolish pesin.

Proverbs 29:1

If yu nor dey gri take korreshon, one day yu go fall and yu nor go fit stand again.

Proverbs 3:11

My pikin, if God korrect yu, listin well and take am as warnin.

Isaya 1:5

Israel pipol, wetin make una still wont make dem beat una? Una wont make dem ponish una pass dis ones? Sore don already full una head and una body don rotin finish.

Isaya 51:20

Una shidren dey fall and faint street, bikos dem don weak; dem bi like animal wey hunta net katch. Dem don si how God vexnashon dey bi.

Isaya 53:7

Dem trit and ponish am anyhow, but e put body down kon bear-am like lamb wey dem won go kill and e nor tok anytin.

Isaya 63:16

Na Yu bi awa papa. Even if Jakob and Abraham wey bi awa grand-grand papa sey dem nor know us, Yu God na awa papa and na Yu dey always save us.

Isaya 9:13

Even with all dis ponishment from God, Israel pipol nor gri turn from sin go meet di Pesin wey go save dem. Dem nor even tink to setol with di Oga God wey dey lead heaven sojas.

Jeremaya 17:14

My God, make Yu heal mi and I go strong again; save mi and I go dey save, bikos na Yu I dey praiz.

Jeremaya 2:30

“Even as I ponish una shidren rish, dem nor gri shange or listin as I dey korrect dem. Just as lion dey kill en enemy, na so too una don kill una profets finish.”

Jeremaya 3:25

So make wi liedan with shame! Make awa disgrace kover us. Wi and awa grand-grand papa don sin against di Oga awa God. Since wi dey yong kon rish naw, wi nor gri obey di Oga awa God.”

Jeremaya 31:6

Yes, di time dey kom wen doz wey dey guide di gate go koll from Efraim hill sey, ‘Kom make wi go Zion go woship di Oga wey bi awa God.’ ”

Jeremaya 31:9

As I dey lead dem kom back, dem go dey kry, beg and pray make I forgive dem. I go guide dem pass where wota dey kon take dem pass strait road where dem nor go kick stone fall. I go do am, bikos na mi bi Israel papa and Efraim na my first-born.’ ”

Jeremaya 5:3

My God, shebi na trut Yu wont? But even wen Yu ponish dis pipol, dem still nor gri shange and wen Yu nearly distroy dem, dem nor gri take korreshon. Dia heart strong like rock and dem nor won turn from sin kom meet Yu make Yu for forgive dem.

Lamentashons 5:21

My Oga God, make Yu save and take us back as yor own! Make Yu give us di happiness wey wi get before.

Ezekiel 20:43

Den una go remember all di yeye tins wey una do and di bad ones wey una do with una body. Una go vex for unasef, bikos of all di bad tins wey una bin do.

Daniel 9:13

Yu dey ponish us just as dem rite am for Moses Law. But as Yu ponish us rish, wi still dey kommit sin and wi nor gri do wetin Yu tok.

Hosea 10:11

Israel pipol bi like yong melu wey dem train well before; dem dey ready to separate di korn from di grass. But I don make up my mind sey I go use rope tie dia fine neck kon make dem do hard work. I go make Judah and Israel pipol do strong-strong work.

Hosea 4:16

Just as melu sturbon, na so Israel pipol bi. So, how I go fit take feed dem like lamb wey dey for open field?

Hosea 5:15

I go leave my pipol until dem don sofa well-well for dia sin, den dem go dey look for mi. Yes! Dem go really look for mi bikos dem dey sofa.”

Jonah 3:10

So wen God si wetin dem dey do: sey dem don really turn kom meet am, E kon shange en mind and E nor ponish dem again, just as E bin won do.

Zefanaya 3:2

Nobody fit tell am anytin, bikos e nor dey gri make dem korrect am. E nor trust God at-all and e nor dey listin to am.

Malakai 3:16

Den di pipol wey dey fear God kon tok to each oda and God listin and hear wetin dem tok. For God present, all doz wey dey fear and respet en name, dem kon rite dia name put for one book so dat God go remember dem.

Malakai 4:6

Wetin e go prish, go make papa setol with dia shidren and shidren go setol with dia papa. If not, I go kom skata and distroy di land.”

Nombas 2:18

Di group for west na Efraim tribe. Di pesin wey dey lead dem na Elishama wey Ammihud born.

Luke 1:17

E go first kom with Elijah spirit and pawa, before di Oga God ensef go kom. E go make papa setol with dia shidren and pipol wey nor dey obey God before, e go make dem obey am naw, so dat dem go dey ready to meet am for heaven.”

Luke 15:20

So e get up kon go meet en papa. “But wen en papa si am dey kom from far, e sorry for am, run go meet am, hold am near body kon kiss am.

Acts 3:26

So God don raiz en savant and E don send am give una, make e for bless and help una turn from sin kom meet am.”

Filippians 2:13

bikos na God dey work inside una and una go fit do good tins kon get di pawa wey go make una happy.

Hibru 12:5

Abi una don forget di advise wey God tell una as en shidren? “My pikin, make yu listin well-well wen God dey korrect yu and nor vex wen God ponish yu.

Revelashon 3:19

I dey korrect and ponish anybody wey I love. So make yu dey sirious kon turn from sin kom meet God!