Jeremaya 30:17 - Holy Bible Nigerian Pidgin English

¹⁷ And even doh una enemies sey, ‘Zion nor mean anytin and nobody kare about am,’ I go make una well again kon heal una wound. Mi, wey bi God, don tok.”

Jeremaya 30:17 Iomraidhean Croise

Job 5:18

God go kover where E for wound yu; na en hand wound yu and na dat same hand E go take heal yu.

Psalms 103:3

Na-im dey forgive pipol dia sins and dey heal difren-difren diziz.

Psalms 107:20

E send en words kon heal dem and E take dem komot from deat hand.

Psalms 12:5

So God ansa, “Bikos of di wiked tins wey dem don do to pipol wey nor get help and di pains wey poor pipol dey face, I go do sometin; I go fight for dem, bikos na so dem wont make I do since.”

Psalms 142:4

I dey look for di rite pesin wey go kom help mi, but nobody dey even tink go my side! Nobody to help mi; nobody even kare about wetin go happen to mi.

Psalms 23:3

E dey make mi strong. E dey guide and take mi pass di rite road, so dat pipol go honor en name.

Exodus 15:26

God sey, “If una really obey di Oga una God kon do wetin good for my eyes and listin to my kommand, I nor go sofa una with all di diziz wey I send go Egypt, bikos na mi bi di Oga una God wey dey heal una.”

Isaya 11:12

God go raiz flag as sign for di pipol; E go gada dem togeda again with all en pipol wey skata for evriwhere for di eart.

Isaya 30:26

Full moon lite go shine like sun for aftanoon and sun lite go shine seven times pass as e dey shine before and e go bi like seven days lite. Den God go join en pipol bones wey bin break kon heal all dia wound.

Isaya 33:24

Nobody for Zion go sey, “I know well or I dey sick”, di pipol wey dey der, God go forgive dem dia sins.

Isaya 54:6

Israel pipol, una bi like yong wife wey sorrow full en heart, bikos en husband leave am.” But God dey koll una kom meet am sey,

Isaya 56:8

God wey get pawa, wey bring Israel en pipol kom back from Babilon, don promise sey E go bring odas kon join dem too.

Isaya 57:18

I don si how dem dey bihave, but I go heal dem. I go lead and help dem and I go konfort doz wey dey mourn.

Isaya 57:19

I go give peace to evribody, both doz wey dey far and near! I go heal my pipol.

Isaya 58:8

Den my favor go shine for una body like morning sun and una sore go kwik heal. I go always dey to save una and my present go protet una for evriwhere.’

Isaya 60:15

Dem nor go hate and look down on una again. Una town wey dem skata and distroy, I go make am great and beautiful and joy go dey der forever and ever.

Jeremaya 10:20

Dem don distroy awa house and di rope wey bin whole di house togeda, don kut. Dem don karry awa shidren go as slave and dem nor go kom back again, bikos of dat, nobody dey to help us build awa house or hang di curtains again.”

Jeremaya 17:14

My God, make Yu heal mi and I go strong again; save mi and I go dey save, bikos na Yu I dey praiz.

Jeremaya 3:22

Naw, una wey nor dey faithful, make una kom back kom meet mi and I go heal una!” “Yes! Wi go kom meet Yu, bikos na Yu bi di Oga wey bi awa God.

Jeremaya 30:13

Nobody go kare for una or cure una sore; una nor get hope at-all.

Jeremaya 33:24

“Yu si as pipol dey sey I don rijet Israel and Judah pipol; di two family wey I choose? Na dis make dem nor dey respet my pipol at-all, bikos dem nor si dem as strong nashon again.

Jeremaya 33:6

But I go heal di town and en pipol kon make dem well again. I go give dem peace forever and dem go dey save.

Jeremaya 8:22

Medicine nor dey Gilead again? Doctors don finish for here? If dem dey, wetin make dem neva cure my pipol?

Lamentashons 2:15

Pipol wey dey pass di town dey look una with shame. Dem dey laf and shake dia heads, bikos Jerusalem don skata. Dem sey, “Nor bi di fine town wey di world bin like well-well bi dis?”

Ezekiel 34:16

“Doz wey don lost and wey waka anyhow, I go find and bring dem kom back. Doz wey get sore, I go bandage am for dem kon heal doz wey dey sick; but doz wey fat and strong, I go distroy dem, bikos I bi shepad wey dey do wetin dey rite.

Ezekiel 35:12

Den una go know sey, mi God hear wen una sey, “Israel mountin don empty, so na wi get am naw.”

Ezekiel 36:20

Dem dey disgrace my holy name for anywhere wey dem go, bikos pipol dey sey, ‘Dis pipol don komot from di land wey dia own God, give dem.’

Hosea 11:3

Na mi tish Efraim how to waka. I karry my pipol for my hand, but dem nor know sey I kare for dem.

Hosea 6:1

Make una kom make wi turn go meet God! Na-im wound us, but E go heal us! Even doh E wound us, E go bandage awa sore.

Malakai 4:2

But for una wey dey fear my name, my sun wey dey give life go shine and heal una. Una go dey free kon dey happy like melu pikin wey dem open en kage make e for go play.

1 Pita 2:24

E karry awa sin for cross, so dat wi go stop to sin and dey do good for God eye. “Na di wound wey dem wound am, naim make us well.”

Revelashon 22:2

E dey rush pass di town main road. For each side for di river, di tree wey dey give life dey bear twelf fruit and e dey bear one evry mont. Di leaf for di tree na to heal evry nashon for di world.