Jeremaya 29:13 - Holy Bible Nigerian Pidgin English

¹³ Una go pray and woship mi with all una heart and I go dey with una.

Jeremaya 29:13 Iomraidhean Croise

1 Kings 2:4

If yu obey dem, God go keep en promise wey E make wen E tell mi sey, ‘My shidren-shidren go rule Israel as long as dem dey obey my kommand with all dia heart and soul.’

2 Kings 23:3

Di king stand near di pila kon promise to obey di kovenant wey dem make with God before. E promise to use en whole heart take obey God law, evry oda tin wey God tok and to do evritin wey dey di book. All di pipol agri to obey di kovenant too.

1 Kronikles 22:19

Naw, make una serve God with all una heart and soul. Make una start to build di temple, so dat una go fit put di Kovenant Box and all di holy tins wey dem take dey serve God, for inside.”

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

2 Kronikles 22:9

Dem find Ahazaya until dem si am for where e hide for Samaria. Dem bring am kon give Jehu and e kill-am. Dem just beri en body, bikos dem dey respet en grand-papa, King Jehoshafat, wey use all en mind take serve God. E nor get anybody for Ahazaya family wey remain to rule as king.

2 Kronikles 31:21

Evritin wey e do to take serve God well for en temple and to follow God laws and kommands, Hezekaya do dem with e whole heart and bikos of dis, God kon make am prosper.

Psalms 119:10

I don try well-well to find Yu. Abeg, make Yu nor let mi go against yor kommand.

Psalms 119:145

My God, make Yu ansa mi, bikos I dey pray with all my heart, so dat I go always dey obey yor laws.

Psalms 119:2

Pipol wey dey follow en rules kon find am with all dia heart, make una si as dia blessing many rish.

Psalms 119:58

I wont yor blessing with all my heart, so make Yu show mi mesi, just as Yu promise.

Psalms 119:69

Wiked pipol lie full my ear, but I dey obey yor kommands with all my heart.

Psalms 145:18

God dey klose to all di pipol wey dey koll am for help; Yes! E dey klose to evribody wey dey koll am with klean mind.

Psalms 32:6

So make evribody wey dey fear God pray to am as time still dey, so dat dem nor go sofa for judgement day.

Psalms 91:15

Wen dem koll mi, I go ansa dem; I go dey with dem wen dem dey trobol. I go save and make pipol honor dem.

Isaya 45:19

I nor dey tok for sekret or for di dark place for di eart. I neva ever sey, ‘Jakob shidren just dey follow mi for nor-tin.’ Mi wey bi God dey tok di trut. Yes! I dey tok wetin dey rite.”

Isaya 65:10

Dem go woship mi kon lead dia sheep and melu go chop grass for Sharon and for Akor Valley for east.

Jeremaya 24:7

I go let dem know sey na mi bi God. Den, dem go bi my pipol and I go bi dia God, bikos dem go kom back kon serve mi with all dia heart.

Jeremaya 3:10

Even with all dis tins, Israel sista wey bi Judah nor gri turn kom meet mi with all dia heart, but dem just dey pritend.” Oga God don tok.

Jeremaya 50:4

God sey, “Wen dat time rish, Israel and Judah pipol go kry kom find mi wey bi dia God.

Hosea 5:15

I go leave my pipol until dem don sofa well-well for dia sin, den dem go dey look for mi. Yes! Dem go really look for mi bikos dem dey sofa.”

Joel 2:12

Dis na wetin make God sey, “Make una turn from sin kom meet mi naw wey time still dey. Make una give mi una heart. Make una fast, kry and mourn as una dey kom meet mi.

Matiu 7:7

“Wen yu ask for sometin, God go gi-am to yu; wen yu look for sometin, yu go si am and wen yu nok, di door go open for yu.

Acts 8:36

As dem dey go, dem kon rish where wota dey, naim di man sey, “Si, wota dey here! Wetin go make mi nor baptize naw?”