Jeremaya 29:12 - Holy Bible Nigerian Pidgin English

¹² Den una go koll my name kon pray give mi and I go ansa una.

Jeremaya 29:12 Iomraidhean Croise

2 Kronikles 33:13

Wen e pray to God, God hear and ansa en kry for help. God bring am kom back to Jerusalem wey bi en kingdom. Den Manasseh kon know sey na di Oga bi di true God.

2 Kronikles 6:38

Wen dem turn kom meet Yu with all dia heart and mind for di land where dem for dey sofa kon dey pray as dem face dis land wey Yu give dia grand-grand papa and di town wey Yu choose with di temple wey I build to honor Yu,

Job 22:27

Wen yu pray, E go ansa yu and yu go keep di promise wey yu don make.

Psalms 10:17

Oga God, na Yu bi di hope wey poor pipol get. True-true, Yu go hear dia kry kon konfort dem.

Psalms 145:19

Pipol wey dey fear am, E dey give dem wetin dem wont; E dey hear wen dem dey kry for help kon save dem.

Psalms 50:15

Afta, make una koll mi wen una dey trobol and I go kom save una, den una go give mi all di glory.”

Isaya 26:16

God, wen wi dey pass thru pain, wi kry, pray and look for Yu, bikos of di way Yu dey ponish us.

Isaya 30:19

Una go stay for Zion! Jerusalem pipol nor go kry again. Wen God hear as una dey kry with pain, E go kom save and help una. Yes! E go ansa wen una kry for help.

Isaya 65:24

Even before dem go pray to mi, I go ansa dia prayers and as dem still dey tok, I go hear dem.

Jeremaya 31:9

As I dey lead dem kom back, dem go dey kry, beg and pray make I forgive dem. I go guide dem pass where wota dey kon take dem pass strait road where dem nor go kick stone fall. I go do am, bikos na mi bi Israel papa and Efraim na my first-born.’ ”

Jeremaya 33:3

“Koll mi wen yu dey pray and I go ansa yu; I go tell yu great and wonderful tins wey yu nor know about.

Jeremaya 50:4

God sey, “Wen dat time rish, Israel and Judah pipol go kry kom find mi wey bi dia God.

Jeremaya 51:50

God tell en pipol wey dey Babilon, “Una don eskape deat! So make una dey go and nor wait! Even doh una dey far from una land, make una tink about mi wey bi una Oga God and una go remember Jerusalem.”

Ezekiel 36:37

God wey get pawa sey, “I go allow Israel pipol ask mi for help and dem go plenty like sheep again.

Hosea 14:9

Make doz wey dey wise, undastand dis tins. Make doz wey get sense, listin well-well. God ways dey true and e dey rite too and pipol wey dey raitious, dey follow am as dem dey live dia life. But doz wey dey sin, go stagga fall.

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”