Jeremaya 24:6 - Holy Bible Nigerian Pidgin English

⁶ I go kare for dem kon bring dem kom back to dis land. I go karry dem up and nor-tin go fit bring dem down. I go plant dem and nor-tin go fit rut dem.

Jeremaya 24:6 Iomraidhean Croise

Jenesis 44:21

Den yu tell us yor savants sey, ‘Make una go bring am kom make I si am.’

2 Kronikles 16:9

E klear sey na God dey wosh di whole world and E dey ready to give pawa to doz wey trust am. Yu nor use sense for dis matter, so from naw go, na so-so war yu go dey fight.”

Nehemaya 5:19

So my Oga God, I abeg, make Yu remember evritin wey I don do for dis pipol, den make Yu bless mi.

Psalms 34:15

Pipol wey dey do wetin dey rite, God eye nor dey komot from dia body and en ear dey open to hear wen dem kry for help.

Psalms 44:2

Yu use yor pawa take porshu doz wey nor dey fear Yu kon give all di land to awa grand-grand papa dem. Yu skata dia enemies kon free awa grand-grand papa.

Isaya 14:1

Oga God go pity en pipol, Israel. E go choose dem as en own kon let dem stay di land again and strenjas go kon stay der with dem.

Isaya 60:21

Una pipol go do di rite tin and dem go get di land forever. Na mi plant and make una, so dat evribody go know how I great rish.

Jeremaya 1:10

So make yu know naw sey, I don give yu pawa ova nashons and kingdoms; to rut and skata; to distroy, ova-take, ribuild and to plant well again.”

Jeremaya 12:15

Afta I don take dem komot dia land, I go sorry for dem kon bring each nashon kom back to en own land again.

Jeremaya 16:15

Instead, dem go swear sey, ‘I bi di God wey bring Israel pipol kom out from di land wey dey nort and from all di oda kountries wey I skata dem go.’ Yes! I go bring dem kom back to dia own kountry; di land wey I give dia grand-grand papa. Mi, wey bi God, don tok.”

Jeremaya 21:10

Bikos I don make up my mind sey I nor go sorry for dis town, so I go distroy am. I go gi-am to Babilon king and e go burn am rish groun. Mi, wey bi God, don tok.”

Jeremaya 23:3

I go gada my pipol wey remain from di kountry where I skata dem put kon bring dem kom back to dia land. Dem go get many shidren kon prosper for evritin and for evry side.

Jeremaya 29:10

“God sey, ‘Wen di seventy years wey I give Babilon don finish, I go kare and bring una kom back to una land, just as I promise.

Jeremaya 31:28

And just as I make sure sey dem rut, pul, ova-trow, distroy and skata dem, na so too I go make sure sey dem plant and build dem back again.

Jeremaya 31:4

I go build una again and una go take una sheke-sheke kon dance and dey happy again.

Jeremaya 32:37

“I go gada all my pipol from di kountry where I skata dem put, bikos I bin dey vex and I go bring dem back to dis land, so dat dem go dey save.

Jeremaya 32:41

I go happy to do good tins for dem and I go plant dem for dis land forever.

Jeremaya 33:7

I go make Israel and Judah pipol prosper and I go build dem as dem bi before.

Jeremaya 33:9

Jerusalem go bring joy, honor and pride for mi and all di nashons for di world go fear wen dem hear about di good tins wey I go do for Jerusalem pipol and how I go make dia town prosper.”

Jeremaya 39:12

E tell am, “Make sure sey Jeremaya nor wound and yu go kare for am kon gi-am anytin wey e wont.”

Jeremaya 42:10

‘If una ready to stay for dis land, I go build una up and una nor go skata again; I go plant una and nor-tin go fit rut una again. Na pains and sorrow full my heart, bikos of di wahala wey I kause for una.

Ezekiel 36:24

From evry tribe, kountries or towns wey una dey, I go bring una kom back to una house.

Amos 9:14

I go bring my pipol kom back to dia land. Dem go ribuild dia towns wey skata kon stay der again; dem go plant vine kon drink di wine; dem go plant food for dia farm kon chop wetin dem plant.

Deutronomi 11:12

di kind land wey di Oga una God like well-well. From one year to anoda, God dey wosh ova di land!

1 Pita 3:12

God dey si di pipol wey dey do good and en ear dey open to hear dia prayers. But E dey against pipol wey dey do bad.