Jeremaya 23:24 - Holy Bible Nigerian Pidgin English

²⁴ E nor get where pesin go hide put make I for nor si am. Yu nor know sey I dey evriwhere for di heavens and di eart?

Jeremaya 23:24 Iomraidhean Croise

Jenesis 16:13

Hagar kon ask ensef, “I don really si di God wey si mi?” So e koll di Oga God wey tok to am, “Di God Wey Dey Si.”

1 Kings 8:27

My Oga God nor dey really stay dis eart! If evriwhere for di sky and di heavens wey high pass nor fit kontain Yu, den how dis temple wey I build go bi to Yu?

2 Kronikles 2:6

True-true! Who fit really build temple for am, since di sky and di heavens wey high pass too small for am? Who I bi to build temple for am? E go just bi where dem go for dey offa sakrifice gi-am.

2 Kronikles 6:18

God nor dey really stay with human being for dis eart! Si, if di sky and di heavens wey high pass nor rish Yu stay, den how dis temple go take kontain Yu?

Job 34:21

God dey si evritin wey wi dey do. E dey si evry step wey wi take.

Job 34:22

E nor get as di darkness tick rish, e nor fit hide sinnas from God.

Psalms 10:11

Wiked pipol dey sey, “God nor dey si us! E don klose en eye and E nor go even fit si wetin wi dey do!”

Psalms 139:7

I nor go fit hide from yor Spirit! I nor fit run komot from yor present at-all!

Psalms 139:8

If I run go heaven, Yu dey der; if I die go grave, Yu dey der too.

Psalms 148:13

Make all of dem praiz God name. Bikos en name dey great and en glory dey shine for di whole eart and for heaven!

Psalms 90:8

Yu know all di sins wey wi kommit; even di sins wey wi hide do, Yu dey si all of dem.

Proverbs 15:3

God dey wosh evriwhere, E dey wosh both good and wiked pipol.

Isaya 29:15

Pipol wey dey try to hide dia plans from God, nor betta pass doz wey don die! Dem dey hide do dia work for korna, dey tink sey nobody dey si or know wetin dem dey do, bikos dem dey boast sey, “Who dey si us? Who know wetin wi dey do?”

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 66:1

God sey, “Heaven na my throne and na di eart I dey put my leg. Wish kind house una go fit build for mi? Wish kind place I go stay?

Jeremaya 16:17

Bikos I dey si evritin wey dem dey do; dia wikedness nor hide from mi and e nor get where dem hide dia sin put wey I nor go si am.

Jeremaya 32:19

Yu dey make betta plan kon do mighty tins. Yu know evritin wey pipol dey do and Yu dey reward dem akordin to wetin dem do.

Jeremaya 49:10

But I don naked Esau shidren-shidren finish kon open where dem hide put, so dat dem nor go fit hide again. Dem don distroy Edom pipol and nobody among dem remain.

Ezekiel 8:12

God kon ask mi, “Man pikin, yu si wetin Israel leaders dey hide do? All of dem dey woship for one room wey juju full. Dem dey sey, ‘God nor dey si us! E don leave dis land.’ ”

Ezekiel 9:9

God ansa, “Israel and Judah pipol don sin well-well. Dem don kill pipol for di land and dem nor dey obey my law again. Dem sey mi God don leave dem and I nor dey si wetin dem dey do.

Daniel 2:22

All di sekret tins wey dem hide, E dey bring am out; E know wetin dem hide for darkness and na lite E take kover ensef.

Daniel 4:35

Yu nor fit kompare God with anybody for dis world. E dey do wetin E like with di angels for heaven and pipol for dis world. Nobody fit shalenge or ask am, “Wetin Yu tink sey Yu dey do?”

Efesians 1:23

Na di church bi Christ body and naim dey make evritin for evriwhere full and komplete.

Hibru 4:13

Nor-tin wey God kreate fit hide from am and evritin dey naked to God, bikos wi go must tell am how wi live awa life.