Jeremaya 21:12 - Holy Bible Nigerian Pidgin English

¹² “Make una listin to wetin mi wey bi God dey tok. Make una make sure sey dem dey always give korrect judgement for kourt. Make una protet pesin wey dem dey opress from who dey opress am and bikos of di bad tins wey una dey do, my vexnashon go burn una like fire wey nor dey kwensh.

Jeremaya 21:12 Iomraidhean Croise

2 Samuel 8:15

David rule evriwhere for Israel and e make sure sey dem trit evribody well with betta mind.

Job 29:17

I dey distroy wiked pipol pawa kon release di pesin wey dem katch.

Psalms 101:8

Evriday, I go distroy wiked pipol for di land and doz wey dey do evil, I go drive dem komot from God town.

Exodus 18:13

Di next day, Moses sidan to judge kase and pipol gada round am from morning till evening.

Isaya 1:17

Make una learn to do good; make una make sure sey una dey judge well; make una help doz wey dem dey opress. Pipol wey nor get papa and mama, make una give dem wetin dem wont and make una help wimen wey dia husband don die.”

Isaya 1:31

Just as dem dey distroy grass with fire, na so dem go distroy men wey get pawa bikos of di evil wey dem do and nobody go fit stop di distroshon.

Isaya 7:13

So Isaya sey, “Listin naw, una wey bi David shidren-shidren. Even doh e bad to dey try ordinary human being patient, una won try God own too?

Isaya 7:2

So some pipol kon tell Judah king sey Siria sojas dey for Israel aria, den en and all en pipol kon dey fear, sotey dem bigin shake like tree wey breeze dey blow.

Jeremaya 17:4

Una go komot for di land wey I give una and I go make una serve una enemies for di land wey una nor know, bikos my vexnashon bi like fire and e go burn forever.”

Jeremaya 21:5

Na with all my pawa, vexnashon and fire, I go take fight against yu.

Jeremaya 23:19

But just look, God vexnashon go kom like heavy breeze and e go blow wiked pipol head komot.

Jeremaya 23:2

Dis na wetin di Oga wey bi Israel God tok about di rulers wey suppose kare for en pipol: Bikos una nor kare for my pipol and una skata and drive dem komot, I go ponish una for di wiked tins wey una do.

Jeremaya 23:5

God sey, “Di time dey kom wen I go choose betta king from among David shidren-shidren. E go rule di land with wisdom kon do wetin dey korrect and good.

Jeremaya 36:7

May bi, den dem go pray give God kon shange from di bad tins wey dem dey do, bikos God don treaten dem with en vexnashon and fire.”

Jeremaya 4:4

Make una keep di kovenant wey una make with mi wey bi una God kon dedikate unasef to mi. If una nor do am and una kontinue di bad tins wey una dey do, my vexnashon go burn una like fire. E go burn well-well and nobody go fit kwensh am.”

Jeremaya 44:22

Bikos God nor fit bear all di yeye tins wey una dey do, na dis make am turn una land to where pipol dey curse. E don skata am and pipol nor dey stay der again.

Jeremaya 5:14

But Oga God wey dey rule all of us kon tell mi, “Bikos dis pipol tok like dis, I go make yor words bi like fire. Den, I go make dis pipol bi like wood and di fire go burn dem.”

Jeremaya 5:28

Dem don fat and dey chop betta food. Dem nor know wen to stop all di bad tins wey dem dey do. Dem nor dey give doz wey nor get papa dia rite or give betta judgement to doz wey dem dey opress.

Jeremaya 7:20

So, di Oga God sey, “I go pour my vexnashon for dis land. I go pour am put for both pipol and animals body and even di trees and food wey dem plant. My vexnashon go burn like fire and nobody go fit kwensh am.”

Jeremaya 7:5

Make una shange from di kind life wey una dey live kon dey do di rite tin. Make una respet each oda too.

Lamentashons 4:11

But naw, God don pour en vexnashon finish. E don send fire kon burn Jerusalem town rish groun.

Ezekiel 22:31

So, I go pour my vexnashon for dia head kon distroy dem with fire, bikos of di bad tins wey dem do.” God wey get pawa don tok.

Levitikus 26:28

I go turn against una. Bikos I dey vex, di ponishment wey I go give una go bad seven times pass di ones wey I give una before.

Nahum 1:6

Na who fit stand wen God dey vex? Who fit survive en vexnashon wey bi like hot fire? En vexnashon dey burn like fire and mountins dey skata to pieces for en present.

Zefanaya 1:18

Una gold and silva nor go save una wen God go show as E dey vex rish. En jealousy bi like fire and di fire go distroy di world. Yes, na God make evribody for di world dey fear.

Zefanaya 3:5

But God still dey di town and E nor dey do bad at-all. E dey always judge matter well and E nor dey fail. Yet wiked pipol nor dey shame at-all.

Luke 1:69

E send di Savior wey get pawa kom meet us, from David family.

Romans 13:4

Bikos all rulers na God savant and na dia duty to help una. If una do bad, den make una fear, bikos dis rulers get pawa to ponish una. Dem bi God savants wey dey ponish doz wey do bad tins.

Deutronomi 32:22

Bikos my vexnashon don kause fire and e don burn rish di part wey deep pass for di grave kon distroy di eart and en plants, den e skata di mountins foundashon.