Jeremaya 20:12 - Holy Bible Nigerian Pidgin English

¹² My God wey dey mighty; Yu dey give korrect judgement to pipol and Yu know wetin dey dia heart and mind. So, make I si how Yu won take revensh my enemies, bikos I don put my problem for yor hand.

Jeremaya 20:12 Iomraidhean Croise

2 Kronikles 24:22

Di king forget di love wey Priest Jehoiada wey bi Zekaraya papa show am kon kill en pikin. Wen Zekaraya dey die, e shaut kry sey, “Make God si and ponish una for dis tin wey una dey do!”

Psalms 11:5

God dey si both good and bad pipol. E hate doz wey love wahala.

Psalms 139:23

Look mi well, den make Yu tell mi wetin I dey tink! Test mi and Yu go know wetin I wont!

Psalms 17:3

Na nite wen I dey sleep Yu take test my mind kon shek my heart. Yu don shek mi kon si sey I nor dey wrong. I don sey I nor go sin with wetin I dey tok or do.

Psalms 54:7

Yu save mi from my trobols kon help mi defeat my enemies.

Psalms 58:10

Pipol wey dey fear God go happy wen dem si wiked pipol dey fall. Dem go use wiked pipol blood take wosh dia legs.

Psalms 59:10

My God wey love mi go help mi. E go make mi happy, bikos I win my enemies.

Psalms 62:8

My pipol, make una always dey trust God, bikos na en dey guide us.

Psalms 7:9

Make Yu stop di bad tins wey wiked pipol dey do kon defend doz wey dey good, bikos my God wey dey good, know wetin dey pipol mind and heart.

Psalms 86:4

My God, make Yu make mi happy, bikos I don give mysef to Yu.

Isaya 37:14

Den, King Hezekaya kollect di leta from di messenja, read am kon take am go put for God altar for di temple,

Isaya 38:14

I nor fit shaut and I dey weak kon dey do like dove. My eyes don taya to dey look heaven. So God, make Yu save mi from all dis trobol.

Jeremaya 11:20

So I pray to God: “My Oga God wey dey rule all of us; yor judgement na true and Yu dey si wetin pipol dey tink for dia heart. Make Yu fight dis pipol for mi, bikos my life dey yor hand.”

Jeremaya 12:8

Pipol wey I koll my own don turn against mi like lion for forest; di way dem dey tok to mi, bi like wen lion dey shaut. So I go trit dem like sey I hate dem.

Jeremaya 17:10

Na mi wey bi God dey si and test human being heart. I dey trit each pesin akordin to how e dey live en life and wetin e dey do.

Jeremaya 17:18

Pipol wey dey tok bad against mi, make Yu disgrace dem kon save mi. Make fear katch dem, but nor make mi dey fear. Distroy and break dem into pieces.

1 Pita 2:23

Wen dem curse am, e nor ansa back; wen e sofa, e nor treaten sey e go pay dem back, but e put ensef for God hand wey nor dey judge kase with parsha.

1 Pita 4:19

So if yu dey sofa as God wont am, make yu trust God wey kreate yu and E nor go ever fail yu.

Revelashon 18:20

Evribody wey dey heaven, God pipol, di apostles and profets, make una happy bikos God don judge and kondemn am bikos of una!”

Revelashon 2:23

I go kill all en shidren, den all di church pipol go know sey, I know wetin dey for pipol mind and heart. I go reward evribody akordin to wetin e do.

Revelashon 6:10

Dem dey kry with loud vois sey, “Oga God wey get pawa, how long e go take before yu go judge doz wey dey live for dis eart? Make yu ponish dem, bikos na dem kill us!”

1 Samuel 1:15

But Hannah ansa, “My oga! Nor bi as yu tink am! My mind nor setol at-all. I nor drink as yu dey tink o-o. I just dey tell God evritin wey dey my heart.