Jeremaya 18:21 - Holy Bible Nigerian Pidgin English

²¹ But naw, make honga kill dia shidren and make dem die for war. Make di wimen luz dia husband and shidren; make diziz kill di men and make di yong men die for war.

Jeremaya 18:21 Iomraidhean Croise

2 Kronikles 36:17

E allow Babilon king kill all dia yong men for dia temple. E nor sorry for di yong men or wimen, or even di old pipol. God give all of dem to Babilon king.

Psalms 63:10

Na swod go kill dem, den birds and oda animals go chop dia body.

Psalms 63:11

But di king go happy bikos of God love. Evribody wey trust God go dey boast, bikos pipol wey dey lie, go shut up forever.

Exodus 22:24

I go vex and kill una with swod and una wifes go turn who nor get husband again; una pikin nor go get papa too.

Isaya 13:18

Dem go use dia bows and arrows kill di yong men and dem nor go pity for small shidren or new born baby.

Isaya 9:16

Di leaders don konfuse dis pipol kon lead dem enter distroshon.

Isaya 9:17

So God nor go let any of di yong men eskape; pity for doz wey dia husband don die or doz wey nor get papa and mama again. Bikos all of dem dey wiked; dem nor know God and evritin wey dem dey tok, bad well-well. But God vexnashon nor go end and E still dey ready to ponish en pipol.

Jeremaya 12:3

But my God, Yu know mi! Yu dey si evritin wey I dey do and how I love Yu rish. Make Yu take dis wiked pipol komot like sheep wey dem won go kill. Tell us wen dem go die.

Jeremaya 14:16

And di pipol wey dis fake profets dey profesai to, na war and honga go kill dem too. Dem go trow dia dead body for evriwhere for Jerusalem street and nobody go dey to beri dem. Dis tin go happen to all of dem, dia wifes and dia shidren. I go make dem pay for all di bad-bad tins wey dem dey do.”

Jeremaya 15:7

God still sey, “Just as breeze dey blow and skata dirty for evriwhere, na so too I go skata una for evriwhere for di eart. I go distroy una wey bi my pipol kon kill una shidren, bikos una nor gri stop di bad-bad tins wey una dey do.

Jeremaya 15:8

Wimen wey dia husband go die, go plenty pass san-san wey dey near wotaside. I go kill una yong men for aftanoon kon make dia mama sofa. Na mi make dem dey sofa and fear go katch dem well-well.

Jeremaya 50:30

For dat day, dem go kill all di yong men for di town and all dia sojas go die too. Mi, wey bi God, don tok.”

Jeremaya 9:21

Bikos deat don klimb pass awa windows. E don enter awa house wey dem guide well. E don kill awa shidren wey dey play for di street and di yong men wey dey di town centre.”

Lamentashons 1:15

God don turn all my strong sojas to fool. As E kommand, many sojas kom distroy my sojas. God mash and press my pipol, just as dem dey press grape.

Lamentashons 5:3

Wi don turn shidren wey nor get papa and awa mama don turn who en husband don die.

Ezekiel 16:38

I go distroy yu, bikos of yor ashawo life and doz wey yu kill. Den with my vexnashon, I go ponish yu till yu die.

Ezekiel 22:25

Dia leaders bi like lion wey dey happy for di animal wey e kill. Dem kill pipol, take all dia money kon kollect di propaty wey dem fit kollect and naw, many wimen nor get husband again, bikos of dis tin wey dem do so.

Amos 4:10

“I send diziz kom meet una like di one wey happen to Egypt pipol. I kill una yong men for war kon skata una horse. I allow dead body dey smell for una kamps, but una nor still gri turn kom meet mi.” Na so Oga God tok.

Deutronomi 32:25

Di swod go bring deat for outside and for inside, fear go kill both men and wimen; small pikin and di ones wey don big.

2 Timoti 4:14

Alexanda wey dey do iron work, wiked mi well-well, but Christ go judge am for wetin e do.

1 Samuel 15:33

Samuel kon sey, “Just as yor swod kill pipol shidren kon make some wimen nor get pikin again, na so yor mama nor go ever get pikin again.” Den Samuel kut Agag to pieces for God present for Gilgal.