Jeremaya 18:19 - Holy Bible Nigerian Pidgin English

¹⁹ So, I kon pray: “My God, make Yu hear and listin to wetin my enemies dey tok about mi.

Jeremaya 18:19 Iomraidhean Croise

2 Kings 19:16

My God, make Yu listin well-well! Make Yu open yor eye si tins for yorsef! Listin to di message wey Sennakerib send kom and as e curse Yu wey dey alive!

Nehemaya 6:9

I si sey dem dey won make us fear, so dat wi go stop di work. But I pray kon sey, “My Oga God, make Yu give mi strent!”

Psalms 109:28

Make dem curse mi if dem like, bikos I know sey Yu go bless mi! Wen dem attack mi, na disgrace go follow dem! But mi, yor savant go always dey happy!

Psalms 109:4

I love dem, but dem dey try to distroy mi. Even doh I dey pray for dem, yet dem still dey lie for my head!

Jeremaya 18:18

Den di pipol sey, “Make una kom, make wi do sometin about dis Jeremaya! Wi go always get priest wey go dey to tell us wetin wi go do; wise pipol go dey wey go advise us and wi go always get profet wey go prish God word give us. So make wi lie against am kon stop to listin to anytin wey e tok.”

Jeremaya 18:20

Na evil dem dey take pay good? Naw, dem don dig pit for mi make I fall inside. Wen Yu dey vex dat time, make Yu remember as I beg Yu bikos of dem, so dat Yu nor go ponish dem.

Jeremaya 20:12

My God wey dey mighty; Yu dey give korrect judgement to pipol and Yu know wetin dey dia heart and mind. So, make I si how Yu won take revensh my enemies, bikos I don put my problem for yor hand.

Lamentashons 3:59

Yu don si di bad-bad tins wey dem do mi. So my God, make Yu judge my kase, so dat pipol go know sey I dey rite.

Mikah 7:8

So my enemies, make una nor happy, bikos of mi! Bikos wen ever I fall, I go raiz-up again. Even doh I dey for darkness, Oga God go bi my lite.