Jeremaya 17:23 - Holy Bible Nigerian Pidgin English

²³ But una grand-grand papa nor listin to mi, bikos dem sturbon and nor gri obey or learn from mi.” ’

Jeremaya 17:23 Iomraidhean Croise

Psalms 50:17

Una nor gri listin to my kommand, instead una dey do my word anyhow like dirty.

Proverbs 1:3

Dis words go tish una how to live betta life, to dey honest and to dey tok trut and korrect word.

Proverbs 1:5

Make doz wey get sense listin to dis words kon wise more and make e guide doz wey get undastandin,

Proverbs 29:1

If yu nor dey gri take korreshon, one day yu go fall and yu nor go fit stand again.

Proverbs 5:12

Den yu go sey, “Why I nor follow wetin dem tish mi? Why I nor let dem korrect mi?

Proverbs 8:10

Instead of silva, make una take my words; make una choose wisdom, instead of di gold wey fine pass.

Isaya 48:4

Bikos I know how una sturbon rish; una neck strong like iron and una head bi like bronze.

Jeremaya 11:10

Dem don kontinue di wiked tins wey dia grand-grand papa dem do before, wey make dem nor obey my kommand. Demsef don dey woship oda gods. Both Israel and Judah pipol don break di kovenant wey I make with dia grand-grand papa.

Jeremaya 19:15

Israel God wey dey mighty tok: “I go soon ponish dis town and di oda towns wey surround am, bikos una sturbon well-well and una nor gri listin to wetin I tok.”

Jeremaya 32:33

Instead of dem to obey mi, dem turn dia back give mi. And even as I dey try to tish dem rish, dem nor gri learn or listin.

Jeremaya 35:15

I send my savant, di profets kom meet una sey make una stop di bad tins wey una dey do kon do di korrect tin. Dem warn una sey make una nor woship and serve oda gods, so dat una go kontinue to stay for dis land wey I give una and una grand-grand papa, but una nor gri listin or hear dem.

Jeremaya 5:3

My God, shebi na trut Yu wont? But even wen Yu ponish dis pipol, dem still nor gri shange and wen Yu nearly distroy dem, dem nor gri take korreshon. Dia heart strong like rock and dem nor won turn from sin kom meet Yu make Yu for forgive dem.

Jeremaya 6:8

So Jerusalem pipol, make dis one bi warnin to una, if not, I go forget una kon make una land empty and nobody go fit stay der.”

Jeremaya 7:28

So tell dem sey: “Dis na nashon wey nor gri obey di Oga dia God or learn from dia wahala. Nobody for der dey good and di pipol nor dey even tok about good tins again.

Ezekiel 20:13

“But even as dem dey wildaness, dem rijet mi. Dem break my laws kon rijet my kommand wey dey give life to doz wey dey obey am. Dem distroy di Sabat finish. Wen dem dey di wildaness, I dey ready to make dem feel as my vexnashon strong rish.

Ezekiel 20:16

I tok like dat, bikos dem don break my law, rijet my kommand kon distroy di Sabat. Dem like to woship juju well-well.

Ezekiel 20:21

“But dat generashon still rijet mi. Dem break my laws and dem nor gri keep my kommand wey dey give life to doz wey obey am. Dem distroy di Sabat finish. So, I dey ready to make dem feel as my vexnashon strong rish and I like to kill all of dem as dem dey di wildaness,

Zefanaya 3:7

God sey, “I bin tink sey, ‘Una go really respet mi!’ Naw, make una do wetin I tok! If to sey una really gri do am, dem nor for skata una house with all dis ponishment.” But na only to sin una dey tink about.

Acts 7:51

“Si how una sturbon! Just as una grand-grand papa dem bi, na so una still bi too, bikos una don make una heart strong to disobey God!

Judges 6:10

Den I tell una sey, “Na mi bi una Oga and God. Una must nor woship Amor pipol gods; even doh una dey stay dia land naw.” But una nor gri listin to mi.’ ”