Jeremaya 15:19 - Holy Bible Nigerian Pidgin English

¹⁹ Bikos of dis, God kon sey, “If yu turn from sin kom meet God kon stop wetin yu dey tok and tink, I go take yu back and yu go bi my savant again. If yu stop to tok anyhow, yu go bi my profet again. Den di pipol go won bi like yu and yu nor go bi like dem.

Jeremaya 15:19 Iomraidhean Croise

1 Kings 17:1

E get one profet, en name na Elijah and e kom from Tishbe for Gilead. E go tell King Ahab, “As long as di Oga wey bi Israel God (wey I dey serve) dey alive, dew or rain nor go fall for some years, unless I kommand sey, make rain fall.”

Exodus 4:12

Naw, make yu go and I go help yu tok kon tell yu wetin yu go tok.”

Proverbs 22:29

Yu don si pesin wey get good work? E dey-dey with kings and nor bi with yeye pipol.

Jeremaya 1:9

So God stresh en hand kon tosh my mout, den E sey, “Make yu listin, na mi go tell yu wetin yu go tok.

Jeremaya 15:1

Den God tell mi, “Even if Moses and Samuel stand here dey beg for dis pipol, I nor go listin or sorry for dem. So make yu take dem komot for my front kon tell dem make dem dey go!

Jeremaya 20:9

But wen I sey, “I go forget God and I nor go tok with en name again,” na dat time yor message dey bi like fire wey dey burn inside my body. Even wen I try to pritend sey nor-tin dey happen, I nor dey fit.

Jeremaya 35:19

So mi, wey bi Israel God promise sey, “Jehonadab wey bi Rekab pikin, go always get one of en sons wey go serve mi.”

Jeremaya 4:1

God sey, “Israel pipol, if una really wont turn back kom meet mi, make una distroy all una juju,

Jeremaya 6:29

Di judgement fire dey burn and e go distroy many yuzles tins. So e dey yuzles to dey try to klean my pipol, bikos wiked pipol still dey among dem.

Lamentashons 1:11

En pipol dey feel di pain and dem dey find wetin dem go chop. E sell en betta-betta tins make e for si money take buy food chop, so dat e nor go die. So e kry, “My God, make Yu look kon si as I dey sofa.”

Ezekiel 2:7

Yu go tell dem evritin wey I sey make yu tok, weda dem listin or not, bikos I know sey dem sturbon well-well.

Ezekiel 22:26

Di priests break my law and dem nor dey respet anytin wey dey holy. Dem nor know wetin dey holy or not. Dem forget di Sabat; dem nor dey tish about wetin dey klean again. So bikos of dis, Israel pipol nor dey gri respet mi again.

Ezekiel 44:23

Na priests go tish my pipol di difren between wetin dey holy and wetin nor dey holy; wetin dey klean and wetin nor klean.

Levitikus 10:10

Yu go separate wetin bi God own from human being own; wetin holy from wetin nor dey holy.

Levitikus 14:57

Dis law na to know wetin dey klean or not.”

Jonah 3:2

“Make yu go Nineveh, dat big town kon tell di pipol my message.”

Zekaraya 3:7

“God wey dey mighty sey, ‘If yu obey my laws kon keep my kommands, na yu go bi oga for my temple and for my kourt and I go add yu join all dis angels wey dey my side naw.’

Luke 1:19

Di angel ansa, “I bi Gabriel, wey dey stand for God present and na-im send mi kom tell yu dis Good News.

Luke 10:16

Jesus tell en disciples, “Anybody wey listin to una, don listin to mi and anybody wey rijet una, don rijet mi and God wey send mi.”

Luke 12:12

bikos di Holy Spirit go tell una wetin to tok, wen dat time rish.”

Luke 21:15

bikos I go give una di word wey una go tok and wisdom wey una enemy nor go fit oppoz.

Luke 21:36

But make una dey shine una eye evritime, dey pray make God give una pawa take pass all dis test wey go happen, so dat una go fit stand for Man Pikin front.”

Acts 20:27

Bikos I nor hide anytin from una, as I dey tell una about God plan.

2 Korintians 5:16

So naw, wi nor dey look anybody like ordinary human being. Even doh wi bin know Christ like dat before, wi nor know am like dat again.

Galatians 1:10

Una tink sey, I dey try to do tins make pipol for like mi? Abi I dey do wetin God wont? Or I dey try to make belle sweet pipol? If I dey try to make belle sweet pipol, den I nor bi Christ savant again!

Galatians 2:5

But wi nor give dem shance, so dat di trut wey dey di gospel, go last for una.

Hibru 5:14

But solid food na for mature pipol and dem get betta sense to know wetin dey good and bad.

Jude 1:24

Naw, make all glory bi God own, bikos E nor let una fall and E go bring una kom en present with betta joy wey nor get fault.