Jeremaya 15:15 - Holy Bible Nigerian Pidgin English

¹⁵ Den I ansa, “My God! Yu know as I dey sofa. Abeg make Yu remember kon help mi. Make Yu revensh doz wey dey tok bad against mi. Nor sorry for dem, so dat dem nor go kill mi. Make Yu remember sey na bikos of Yu, dem dey curse mi.

Jeremaya 15:15 Iomraidhean Croise

Nehemaya 13:22

I give orda sey make Levi pipol go santify demsef, den kon guide di gate to make sure sey dem keep di Sabat Day holy. My Oga God, make Yu still remember mi kon save mi, bikos of yor great love.

Nehemaya 13:31

I still provide di wood wey dem go use take burn di ofrin for di rite time and for di first korn and fruit. My God, I beg, make Yu remember mi for good and bless mi.

Nehemaya 5:19

So my Oga God, I abeg, make Yu remember evritin wey I don do for dis pipol, den make Yu bless mi.

Nehemaya 6:14

I kon pray, “My God, remember wetin Sanballat and Tobaya dey do, den make Yu ponish dem. Remember and ponish dat woman Noadaya and all di oda profets wey dey won make mi fear.”

Job 10:7

Even doh Yu know sey I nor dey guilty, e nor get who fit save mi from yor hand.

Psalms 102:24

I sey, “My Oga God, make Yu nor let mi die naw wen I still dey yong, bikos Yu dey from one generashon go rish anoda.

Psalms 106:4

My God, wen Yu dey show yor favor to yor pipol, make Yu remember mi; make Yu kom near and save mi.

Psalms 119:84

So, na how long I go dey wait? Na wen Yu go ponish di pipol wey dey wahala mi?

Psalms 17:3

Na nite wen I dey sleep Yu take test my mind kon shek my heart. Yu don shek mi kon si sey I nor dey wrong. I don sey I nor go sin with wetin I dey tok or do.

Psalms 39:13

Make Yu take yor vexnashon from mi, so dat I go fit smile again before I die.

Psalms 44:22

Yet bikos of am, dem dey kill us evriday; dey trit us like sheep wey dem won kill.

Isaya 38:3

“Oga God, make Yu remember sey I dey faithful and loyal as I dey serve Yu. I always dey do wetin Yu wont make I do.” Den e kon bigin kry well-well.

Jeremaya 12:3

But my God, Yu know mi! Yu dey si evritin wey I dey do and how I love Yu rish. Make Yu take dis wiked pipol komot like sheep wey dem won go kill. Tell us wen dem go die.

Jeremaya 15:10

I kon sey, “Si as I dey vex! Wetin make my mama born mi at-all? Must I kworel and argue with evribody for di land! I neva ever borrow from pesin or borrow pesin money, yet evribody dey curse mi.”

Jeremaya 15:20

Bikos of dem, I go make yu bi like strong wall. Dem go fight yu, but dem nor go fit win. I dey with yu; I go protet and save yu.

Jeremaya 17:16

But my Oga, na Yu choose mi to serve yor pipol and dat na wetin I dey do. Yu know evritin wey I tok and I neva for wons ask Yu make Yu finish with dem.

Jeremaya 18:23

But my God, Yu know all dia plan to kill mi. Nor forget di wiked tins wey dem dey do and nor forgive dia sin. Make dem die for yor front and make Yu ponish dem as Yu dey vex.”

Jeremaya 20:11

But God wey strong and get pawa, dey my side. So doz wey dey plan against mi, go fail. Yu go disgrace dem forever, bikos dem nor go susid and dem nor go ever forget di disgrace.

Jeremaya 20:12

My God wey dey mighty; Yu dey give korrect judgement to pipol and Yu know wetin dey dia heart and mind. So, make I si how Yu won take revensh my enemies, bikos I don put my problem for yor hand.

Jeremaya 20:8

Na only bad-bad tins and deat I dey profesy about. Na only curse and trobol yor message don bring kom meet mi.

Lamentashons 3:64

So Oga God, make Yu pay dem back for all di bad tins wey dem don do.

Lamentashons 3:66

So as Yu dey vex, make Yu porshu and distroy dem komot dis world.”

Matiu 10:22

Evribody go hate una bikos of mi. But anybody wey fit bear rish di end, God go save am.

Matiu 19:29

And anybody wey leave en house, brodas, sistas, papa or mama and land bikos of mi, go get am back hundred times and e go get life wey nor dey end.

Luke 21:17

Evribody go hate una bikos of my name.

Romans 12:19

Make una nor try to pay anybody for di bad tin wey dem do una, but make una leave am for God, bikos God word sey, “Na mi go revensh for una. I go pay dem back.”

Romans 8:35

Na who go fit separate us from Christ love? Na trobol or opreshon; honga or poverty; wahala or deat; or na bikos klot nor dey to wear?

2 Korintians 5:11

So, bikos wi know wetin e mean to fear God, naim make us dey prish and beg pipol. But God know us well-well and I hope sey una know us well-well for una mind too.

2 Timoti 4:14

Alexanda wey dey do iron work, wiked mi well-well, but Christ go judge am for wetin e do.

Revelashon 18:20

Evribody wey dey heaven, God pipol, di apostles and profets, make una happy bikos God don judge and kondemn am bikos of una!”

Revelashon 6:10

Dem dey kry with loud vois sey, “Oga God wey get pawa, how long e go take before yu go judge doz wey dey live for dis eart? Make yu ponish dem, bikos na dem kill us!”

Judges 16:28

Den Samson pray give God sey, “Oga God wey get pawa, remember mi again. My God! Abeg make Yu give mi pawa one more time. Make I pay Filistia pipol back for my eye wey dem blind.”