Jeremaya 14:4 - Holy Bible Nigerian Pidgin English

⁴ Rain nor fall since so dia land dey strong and doz wey dey plant, don taya and dem nor know wetin to do.

Jeremaya 14:4 Iomraidhean Croise

Jeremaya 2:37

Una go kover una face with shame and sorrow wen una dey kom back from Egypt, bikos God don rijet di pipol wey una trust and even with dia help, e nor go still betta for una.”

Jeremaya 3:3

Bikos of dis, God nor allow rain fall, even for di rite time. With all dis tins, una still dey live una ashawo life and shame nor dey katch una.

Joel 1:11

Una wey bi farmer and doz wey dey kare for di vineyards, make una kry, bikos of una rice and sweet korn. Yes! All wetin wi plant don skata.

Joel 1:17

Di seed dem die for dry groun. No korn to keep, so awa store don empty and skata.

Levitikus 26:18

“If afta all dis tins happen and una nor still obey mi, I go inkrease una ponishment seven times.

Amos 4:8

So pipol dey stagga from one town go anoda town go look for wota wey dem go drink, but dem nor si enough wota drink and with all dis tins, una nor still gri turn from sin kom meet mi.” Na so Oga God tok.

Deutronomi 29:23

Fire and sulfur go kover di whole land. Dem nor go fit plant for der and nor-tin go grow for der. E go bi like Sodom and Gomorrah, Admah and Zeboiim, di towns wey God vex distroy.