Jeremaya 10:6 - Holy Bible Nigerian Pidgin English

⁶ I sey, “My God! Nobody bi like Yu. Yu dey mighty and yor name dey great with pawa.

Jeremaya 10:6 Iomraidhean Croise

2 Samuel 7:22

Oga God! Yu dey great! Nobody bi like Yu. Na only Yu bi God. Wetin wi don hear, na true!

1 Kronikles 16:25

Bikos God dey great and evribody must praiz and respet am pass oda gods.

Nehemaya 4:14

I si sey di pipol dey worry, so I kon tell dem, dia ofisas and dia leaders sey, “Make una nor fear awa enemies. Make una remember how great and mighty God bi, den make una fight for una brodas, shidren, wifes and una house.”

Nehemaya 9:32

Naw, awa God, di One wey dey great, get pawa and dey mighty, di Pesin wey dey keep en kovenant of love wey nor dey fail, make Yu help us as wi dey sofa. Bikos from di time wey Assyria kings first win us kom rish naw, na sofa wi dey sofa: wi and awa kings, leaders, priests, profets, grand-grand papa dem and all awa pipol.

Psalms 145:3

God dey great! Na only en wi suppose to dey praiz! Nobody fit measure as E big rish.

Psalms 147:5

Si as awa Oga God big rish! En pawa dey wonderful! Nobody fit undastand how God take dey know tins!

Psalms 35:10

I go praiz God with all di bones wey dey my body kon sey: “Na who I wont take kompare with my Oga God? Na who go fit save pipol wey nor strong from pipol wey strong? Na who go fit protet pipol wey nor get help and poor pipol from tif?”

Psalms 48:1

Si as awa God great rish! Wi go praiz am for en own town wey dey on-top en holy mountin!

Psalms 96:4

God dey great! Make all praiz bi en own! E big pass all di oda gods.

Exodus 15:11

My Oga God! Who bi like Yu among oda gods? Who bi like Yu? Di One wey dey holy, wey dey do mirakles and great tins?

Exodus 8:10

Fero ansa, “Na tumoro.” Den Moses sey, “E go bi as yu tok, so dat yu go know sey nobody bi like di Oga wey bi awa God.

Exodus 9:14

Bikos dis time, I nor go only ponish yor savant and pipol, but I go ponish yu too, so dat yu go know sey nobody bi like mi for di whole world.

Isaya 12:6

Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”

Isaya 40:18

Who dem go fit use take kompare God? How yu go fit take diskribe who God bi?

Isaya 40:25

Who dem go fit use take kompare God? E get anybody wey bi like am?

Isaya 46:5

God sey, “Na who una fit take kompare mi? Make una tell mi, abi e get anybody wey fit bi like mi?

Isaya 46:9

Make una remember wetin happen before-before! Na mi bi God and e nor get any oda god. Yes! Na mi bi God and nobody bi like mi.

Jeremaya 10:16

Jakob God nor bi like dem; na-im kreate evritin and E don choose Israel as en own pipol. En name na God wey dey mighty.”

Jeremaya 32:18

Yu don show betta love to many-many pipol and Yu don still ponish pipol, bikos of dia papa and mama sin. Yu bi great God wey get pawa well-well and Yu dey rule evritin.

Daniel 4:3

“Di sign dem wey E show us dey great well-well! Even en wonders dey mighty! God kingdom go dey forever and en pawa go last from awa generashon go rish di next one.”

Daniel 4:34

But wen di seven years don pass, mi, Nebukadnezzar kon look heaven and my sense kom back to mi. I praiz di Most High God kon give honor and glory to di Pesin wey dey live forever and en kingdom go last forever.

Malakai 1:11

God sey, “From east go rish west, pipol go honor my name for evriwhere. Dem go burn betta incense and offa betta sakrifice give mi, bikos my name go dey great among all di nashons.

1 Korintians 8:6

But wi (wey bi Christian), na only one God wi get and naim bi awa Papa. Na-im kreate evritin and wi dey live for am. Na Jesus Christ bi awa only Oga God. Na-im make evritin and na thru am wi get life.

Deutronomi 32:31

Bikos awa enemies rock nor bi like awa Rock and even awa enemies know sey na so e bi.

Deutronomi 33:26

Israel pipol, no god bi like una God. E dey kom help una from heaven and di sky with en wonderful pawa.