James 5:8 - Holy Bible Nigerian Pidgin English

⁸ So, make una get patient too and make una heart strong, bikos di time wen Christ go kom back, don near.

James 5:8 Iomraidhean Croise

Jenesis 49:18

My Oga God, I trust Yu sey, Yu go save mi!

Psalms 130:5

So, I put my hope for God hand, I trust am with my whole life and I dey wait for en word wey nor dey fail.

Psalms 27:14

So, make yu dey patient, as yu dey wait for God and get strong mind. Yes! Make yu dey patient, as yu dey wait for am.

Psalms 37:7

So, make yu wait for God with patient! Make yu get mind as yu dey wait am! Make yu nor worry about wiked pipol wey dey prosper or fear, bikos of wetin dem get.

Ezekiel 7:12

Di time don rish! Di day don kom. Naw, doz wey dey buy nor dey happy and make doz wey dey sell, mourn, bikos God go ponish evribody.

Mikah 7:7

But as for mi, I bilive sey God go kom help mi. I dey wait for God with all my heart, so dat E go save mi. Yes! My God go hear mi.

Habakkuk 2:3

Make yu rite am even doh e neva rish time for di vishon to happen. But di time go soon rish and wetin I show yu, go happen. E fit bi like sey e nor go happen, but make yu wait; e go must happen and e nor go tey again.

Luke 21:19

So, if una stand rish di end, God go save una.”

John 21:22

Jesus ansa am, “Make yu mind yor own business. If I wont sey make e stay until I kom back, wish one koncern yu inside? Make yu yorsef follow mi.”

Romans 8:25

But if wi put hope for wetin wi nor fit si, wi go take all awa mind wait for am with patient.

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Filippians 4:5

Make evribody know sey una nor like wahala, bikos Jesus go soon kom.

1 Tesalonians 1:10

And una dey wait en pikin wey dey kom from heaven. Dis na en pikin, Jesus wey E wake from deat and na-im go save us from God vexnashon wey dey kom.

1 Tesalonians 2:19

Nor bi una bi awa hope, joy and crown wey wi go take boast give Jesus wen E kom? Yes! Na una!

1 Tesalonians 3:13

so dat una heart go dey strong for holiness. And for di time wey Christ go kom with en pipol, una go dey without fault for God present.

2 Tesalonians 3:5

I pray make God guide una heart to undastand en love more-more, so dat una go get Christ patient.

James 5:3

Yor gold and silva don rust, dia ashes go tok against yu and chop yor flesh like fire. For di last days, yu don gada money and fine tins for yorsef!

James 5:9

My brodas and sistas, make una nor dey komplain about each oda, so dat dem nor go judge una, bikos God wey bi di judge, stand near di gate.

1 Pita 4:7

Di time wen evritin go end don near. So make una dey kontrol unasef and shine una eye wen una dey pray.

Revelashon 22:20

Di Pesin wey dey tok dis tins, know sey dis tins na true. Jesus Christ sey, “True-true, I go soon kom!” Amen! Oga God Jesus, make yu kom!