James 5:11 - Holy Bible Nigerian Pidgin English

¹¹ Make una tink of how wi dey look pipol wey get patient sey, God don bless dem. Una hear how Job get patient and how God bless am leta. God get mesi and E dey sorry for pesin well-well.

James 5:11 Iomraidhean Croise

1 Kronikles 21:13

David ansa, “My kase bad well-well, but I nor wont make men ponish mi. Instead make only God ponish mi, bikos E dey sorry for pesin.”

2 Kronikles 30:9

If una turn back kom meet God, doz wey karry una relashon go prison, go pity and free dem. Di Oga una God dey sorry for pipol and if una turn back kom meet am, E nor go rijet una.”

Nehemaya 9:17

Dem nor gri obey; dem forget all wetin Yu don do; dem forget di mirakles wey Yu do and bikos of dia pride, dem choose leaders wey take dem go back to Egypt as slave. But Yu bi God wey dey forgive. Yu dey good and dey sorry for pesin. Yu nor dey kwik vex and yor royal love nor dey fail. Yu nor abandon dem at-all

Nehemaya 9:31

But bikos of yor great mesi, Yu nor distroy dem finish or abandon dem forever. Si as Yu dey good and dey show mesi!

Job 1:1

E get one man wey dem dey koll Job, e dey stay for Uz land and e dey do wetin God wont. E dey serve God with klean belle and e nor dey do bad tins.

Job 1:2

E born seven sons and three dotas.

Job 2:10

But Job tell en wife, “Wetin make yu dey tok anyhow! Wen God give us good tins, wi take am. So naw wey trobol dey, make wi kon curse am?” Even as all dis tins dey happen so, Job nor sin or curse God.

Job 23:10

Yet, God know evry step wey I dey take. If E sey make E test mi, I go klean kom out like gold.

Psalms 103:13

Just as papa dey love and pity for en shidren, na so too, God dey good and dey sorry for doz wey dey fear am.

Psalms 103:8

God dey sorry and show mesi to pipol well-well; E nor dey kwik vex and en love for us nor dey fail.

Psalms 116:5

Naw, make una si as God kind and good rish! Dis awa God too dey pity for pesin!

Psalms 119:132

Make Yu kom show mi yor mesi, just as Yu dey do to evribody wey love yor name.

Psalms 145:8

God get mesi and dey sorry for pipol! E nor dey kwik vex and en love nor dey ever fail.

Psalms 37:37

So, make yu follow doz wey dey honest and dey do good, bikos doz wey like peace go get betta future.

Psalms 51:1

My God, make Yu sorry for mi, bikos of yor love where nor dey fail. Make Yu forgive mi my sins, bikos Yu dey sorry for pipol.

Psalms 78:38

Yet, God sorry for dem kon forgive dem dia sins and E nor distroy all of dem. So, E nor dey too vex for dem or show en vexnashon,

Psalms 86:15

But Yu, my Oga, Yu bi God wey dey sorry and pity for pipol; Yu nor dey kwik vex and Yu dey show yor faithfulnes and great love wey nor dey fail.

Psalms 86:5

Yu dey good and ready to forgive awa sins and pipol wey kom meet Yu for help, Yu dey show dem yor love wey nor dey fail.

Psalms 94:12

So Oga God, make di pipol wey Yu dey ponish, happy. Doz wey Yu dey tish yor ways.

Exodus 34:6

God pass en front kon sey, “Na mi bi Oga God. I bi God wey get mesi and pity; I nor dey kwik vex; just as I big na so too my love big rish and I nor dey fail.

Ekklesiastes 7:8

To finish anytin wey yu start, betta pass wen yu start am, just as to dey patient betta pass to dey proud.

Isaya 63:7

I go tok about God love wey nor dey fail. I dey praiz am for wetin E don do for us. E don bless Israel pipol well-well, bikos of en mesi and love wey nor dey fade.

Isaya 63:9

from all dia sofa. Nor bi angel save dem, but na God save dem by ensef. E use en love and mesi take save dem. E dey kare for dem since,

Lamentashons 3:22

God faithful love nor dey end! And en mesi nor dey finish.

Daniel 9:9

But even with all di sin wey wi kommit, Yu still dey forgive and sorry for us.

Joel 2:13

Nor bi just to tear una klot, but make una heart show sey una don turn from sin kom meet mi.” Make una kom back kon meet di Oga wey bi una God. E dey kind and dey show mesi; E dey patient and dey keep en promise; E always dey ready to forgive and nor bi to ponish pipol.

Jonah 4:2

Den e kon dey komplain to God, “My God, before I komot from my kountry, I know sey dis na wetin Yu go do? Na dis tin make mi try to run go Tarshish! I know sey Yu dey sorry and kare for pipol and Yu get patient, dey kind and instead of Yu to ponish pipol, Yu always dey ready to forgive dem.

Mikah 7:18

E nor get anoda god like Yu; Yu dey forgive yor pipol wey survive. Yu nor dey vex forever, instead, Yu dey happy to show yor pipol yor love wey nor dey end.

Nombas 14:18

‘Mi wey bi God, I nor dey kwik vex and I dey show my love and goodness well-well. I dey forgive pipol sins and sturbones, but I go still ponish dia shidren-shidren go rish dia third and fourt generashon, bikos of di sin wey dia papa and mama kommit.’

Matiu 10:22

Evribody go hate una bikos of mi. But anybody wey fit bear rish di end, God go save am.

Luke 1:50

E dey show en mesi to evribody wey dey fear am for evry generashon.

Luke 11:10

Bikos pesin wey ask, go get, pesin wey find, go si wetin e dey find and di pesin wey nok, di door go open for am.

Luke 6:36

So, make una dey show mesi, just as una Papa dey show mesi.”

Romans 2:4

May bi una dey take God kindness, patient and endurance as yeye tins. Una nor know sey God dey kind, bikos E wont make una turn from sin kom meet am?

Efesians 1:6

So, make all praiz and glory bi en own, bikos of en free grace wey E give us, thru en pikin wey E love well-well.

Efesians 2:4

Bikos God love us well-well, E don show us plenty mesi

Hibru 10:39

Wi nor dey among pipol wey go turn back kon perish, but wi get faith wey go save us forever.

Hibru 3:14

Bikos wi go bi Jesus Christ friend, if wi whole awa faith strong go rish di end.

Hibru 3:6

But as God Pikin, Jesus dey faithful for God house. So wi too go get share for di house if wi bilive and get konfident for awa hope wey dey inside Christ.

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

James 1:2

My brodas and sistas, make una dey happy wen una dey face temptashon,

1 Pita 1:13

So, make una always dey ready for akshon. Make una shine una eye and put hope for di grace wey Jesus Christ go bring.

1 Pita 3:14

But if yu sofa bikos yu dey do good, make yu nor fear doz wiked pipol, bikos God don bless yu bi dat.

2 Pita 2:9

If God do all dis tins, den E know how to save en pipol from trobol kon tie wiked pipol keep, so dat E go ponish dem wen E go judge di world.