James 4:9 - Holy Bible Nigerian Pidgin English

⁹ Make una kry and make sorrow dey una heart, den una go show sey una nor dey happy.

James 4:9 Iomraidhean Croise

Nehemaya 8:9

Wen di pipol hear wetin dem read for di law, di word tosh dem sotey dem kon start to kry. So Nehemaya wey bi di govnor, Ezra wey bi priest wey know di law well-well and Levi pipol wey dey esplain di law kon tell all di pipol, “Today dey holy for di Oga wey bi una God, so una nor suppose mourn or kry.

Job 30:31

I nor fit remember di last time wen I hear betta music, bikos na only song wey go make mi mourn and kry, naim dem dey play.

Psalms 119:136

I dey kry like river wey dey flow, bikos pipol nor gri obey yor kommands.

Psalms 119:67

I bin dey sofa, bikos I waka live yor ways, but naw, I dey obey yor word.

Psalms 119:71

My pains dey good for mi, bikos e dey tish mi how to listin to yor kommand.

Proverbs 14:13

Wen pesin dey laf, e go forget en pain, but wen di happiness don end, di pain go kom back.

Ekklesiastes 2:2

I still si sey, “E dey foolish to dey laf anyhow and to dey find enjoyment waka, nor dey make pesin get any betta tin!”

Jeremaya 31:13

Den di yong wimen go sing with joy, while di yong and old men, go dey happy. I go konfort dem kon turn dia kry to joy and dia sorrow go bi happiness.

Jeremaya 31:9

As I dey lead dem kom back, dem go dey kry, beg and pray make I forgive dem. I go guide dem pass where wota dey kon take dem pass strait road where dem nor go kick stone fall. I go do am, bikos na mi bi Israel papa and Efraim na my first-born.’ ”

Lamentashons 5:15

Joy nor dey awa heart again bikos wi wey bin sabi dance, don turn who dey mourn naw.

Ezekiel 16:63

I go forgive yu all di bad tins wey yu don do, but wen yu remember dem, shame nor go let yu open yor mout.” God wey get pawa don tok.

Ezekiel 7:16

Some of dem go run go di mountin like doves wey run from valley. All of dem go kry, bikos of dia sins.

Matiu 21:41

Dem ansa Jesus, “E go distroy doz evil pipol! Den e go hire di farm give oda farmers wey go gi-am wetin bi en own, wen harvest time rish.”

Matiu 5:4

God go bless una wey dey mourn, bikos E go make una happy.

Luke 16:25

“But Abraham ansa, ‘My pikin, remember sey wen yu dey alive, yu dey enjoy good tins, but Lazarus nor enjoy at-all. But naw, e dey enjoy for here and yu dey sofa for der.

Luke 6:21

Make una happy, una wey dey hongry, bikos una go beleful. Make una happy, una wey dey kry naw, bikos una go laf.

Luke 6:25

Curse dey una head, una wey don ova beleful, bikos una go hongry. Curse dey una head, una wey dey laf naw, bikos una go kry well-well.