James 4:6 - Holy Bible Nigerian Pidgin English

⁶ But E give us plenty grace. Na dis make God word sey, “God dey against pesin wey dey karry body up, but E dey give grace to pipol wey dey put dia body down.”

James 4:6 Iomraidhean Croise

2 Kronikles 32:26

King Hezekaya and Jerusalem pipol kon turn kom meet God and E forgive dem again.

2 Kronikles 33:12

As dem dey sofa am, Manasseh kon turn go meet God wey bi en grand-grand papa God sey make E kon help am.

2 Kronikles 33:19

Wetin dem rite for di profets book still get: en prayers and how God take ansa am; all en sins and di bad tins wey e do; where e build high place with Asherah juju before e turn to Oga God.

2 Kronikles 33:23

Amon nor respet di Oga wey bi God, just as Manasseh en papa take leta respet am. E even sin pass en papa.

2 Kronikles 34:27

and yu kom turn from sin kom meet mi, as yu tear yor klot dey kry wen yu hear sey I won ponish Jerusalem with en pipol. I don hear una prayer.

Job 22:29

God dey save pipol wey dey honbol, but doz wey feel sey dem wise, E dey disgrace dem.

Psalms 138:6

Even doh God dey great, E dey kare for di pipol wey dey honbol demsef, but doz wey dey karry body up, e dey give dem shance.

Psalms 9:12

Bikos di Pesin wey dey ponish doz wey kill pipol, still dey kare for doz wey nor get helpa. E nor dey leave pipol wey dey sofa.

Exodus 18:11

Naw, I know sey God big pass all di gods, bikos en pipol don dey save from Egypt pipol pawa; Egypt pipol wey wiked and like yanga well-well.”

Proverbs 15:33

To fear God, dey bring wisdom and to honbol yorsef, dey bring honor.

Proverbs 18:12

Respet dey kom before honor; but distroshon dey wait for proud pipol.

Proverbs 22:4

If yu obey God kon honbol yorsef, yu go get propaty, honor and long life.

Proverbs 29:23

Pesin pride go distroy am, but if e dey honbol, pipol go respet am.

Proverbs 3:34

God nor get wetin E won do with proud pipol, but E dey favor pipol wey dey honbol.

Isaya 2:17

For dat day, God go distroy doz wey dey karry body up kon disgrace sturbon pipol and na only en name pipol go dey praiz.

Isaya 54:7

“Even doh I leave una for shot time, I go take una back and show una my love wey nor dey end.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Daniel 4:37

Naw, mi Nebukadnezzar praiz, woship and hail di King wey dey heaven. Evritin wey E dey do dey rite and en ways dey pure. Pipol wey dey karry body up, E dey bring dem down.

Matiu 13:12

Pesin wey get sometin, dem go gi-am more and wetin e get go kon plenty. But pesin wey nor get anytin, even di small one wey e get, dem go take am from am.

Matiu 23:12

Anybody wey dey karry body up, God go bring am down and anybody wey nor dey karry body up, God go raiz am up.

Luke 1:52

E don remove rulers from dia throne and pipol wey bring demsef down, E don karry dem go up.

Luke 14:11

Anybody wey dey karry body up, dem go bring am down and anybody wey put en body for groun, dem go karry am up.”

Luke 18:14

“I tell una true word, na di tax kollector God go forgive, nor bi di Farisee. Bikos anybody wey karry ensef go up, God go bring am down, but di pesin wey put ensef down, God go karry am up.”

James 4:10

If una put una body down for God, E go karry una go up.

1 Pita 5:5

For di same way, make una wey yong put body down for di eldas. Make una nor dey karry body up for each oda, bikos God dey oppoz proud pipol, but E dey favor doz wey dey honbol.

1 Samuel 2:3

Make una stop to tok anyhow; make betta word dey kom out from una mout, bikos di Oga God na God wey know evritin wey pipol dey do.