James 3:6 - Holy Bible Nigerian Pidgin English

⁶ Di tongue na fire! Na der bad tins full pass for pesin body. E dey spoil di whole body and kause fire for pesin life and dis kind fire dey kom from hell.

James 3:6 Iomraidhean Croise

2 Samuel 16:20

Den Absalom tell Ahitofel, “Naw wey wi don dey here, wetin yu advise make wi do?”

2 Samuel 19:43

Israel pipol ansa, “Even doh David bi one of una, wi get am ten times, pass as una get am. Why una dey look us like sey wi bi small pikin or sey wi nor mean anytin? Make una nor forget sey, Na wi first sey make dem bring di king kom back!” But wetin Judah men dey tok, strong pass di mout wey Israel men dey make.

2 Kronikles 13:17

Abijah with en sojas win dem well-well, dem kill 500,000 strong Israel sojas.

Psalms 140:3

Dia tongue dey wound pipol like snake and dia lips dey bring out snake poizin.

Psalms 64:3

Dem don sharp dia tongue like swod kon ready to shot dia betta words wey bi like arrows.

Proverbs 15:1

Good ansa dey end vexnashon, but yeye words dey kause kworel between pipol.

Proverbs 16:27

Wiked pipol dey always look for how to wound odas; even wetin dem dey tok fit burn and kill pesin like fire.

Proverbs 6:19

doz wey dey lie for anoda pesin head and pipol wey dey kause trobol among dia friends.”

Proverbs 7:5

Dem nor go make yu put eye for anoda man wife body and wimen wey get sweet mout.

Isaya 30:27

Si! God dey kom from far with strong vexnashon and great glory. E dey vex dey tok and en words bi like fire wey dey distroy tins.

Isaya 50:11

All of una wey dey plan to distroy oda pipol, na una own plan go distroy una. God ensef go make dis tins happen and una go sofa well-well.

Jeremaya 20:10

I hear as pipol dey gossip mi. Dem dey koll mi, “Di Man Wey Fear One Kill.” Dem dey treaten sey, “If yu tok anytin here, wi go ripot yu.” Even my friends before, dey look and dey wait make I fall. Dem dey sey, “E go fall enter di trap, den wi go know sey wi don revensh am back.”

Jeremaya 28:16

So before dis year go end, God go kill yu by ensef, bikos yu don make di pipol dey tok against God.”

Levitikus 24:11

As dem dey fight, di Israel woman pikin kon curse God name, so dem take dem go meet Moses. (En mama name na Shelomit wey bi Dibri pikin from Dan tribe.)

Nombas 25:2

Dis wimen invite di pipol kom dia juju festival; den di pipol chop and woship dia juju.

Nombas 31:16

Remember sey na dis wimen obey wetin Balaam tok for Peor kon make di pipol sin against God. Dat na wetin curse wahala for God pipol.

Matiu 12:24

But wen di Farisee pipol hear wetin dem dey tok, dem kon ansa, “Na Belzibub (wey bi demon oga) pawa e dey use take drive demons komot from pipol body.”

Matiu 5:22

But I tell una, anybody wey vex for en broda, God go judge am too. Anybody wey curse en broda, go face di kansol and anybody wey koll pesin, ‘Mumu’, go-go hell-fire.

Mark 7:15

Nor bi wetin enter inside pesin body go make am dirty for God eye, instead na wetin kom out from en mout, dey make am dirty.

Luke 16:24

Naim e shaut, ‘Papa Abraham, make yu sorry for mi, abeg send Lazarus make e put en finger for wota kon tosh my mout, bikos I dey sofa inside dis fire.’

Acts 20:30

Even among una, some men go stand dey tish lie-lie tins kon draw pipol follow body.

Acts 5:3

But Pita tell am, “Ananias, why yu allow Satan enter yor heart and yu kon dey lie give di Holy Spirit? Why yu keep some for di money wey una sell di land, for unasef?

Acts 6:13

Dem bring pipol kon lie sey, “E don tey wey dis man dey tok bad-bad tins about Moses Law and dis Temple.

Deutronomi 13:6

Weda na una broda, pikin, wife or friend kon tok and wont make una serve oda gods wey una or una grand-grand papa nor know before,

Titus 1:11

So wi must stop dem, bikos dem dey tish pipol tins wey go make pipol komot from di trut and dem dey do like dis, bikos of di money wey dem go get.

James 2:7

Or dem nor dey tok bad about Jesus name wey una bilive?

James 3:7

Human being dey fit kontrol bird, animal wey dey creep for groun and animal wey dey stay for wota.

2 Pita 3:3

Afta dis, make una undastand sey: for di last days, yeye pipol go kom and dem go dey do bad tins wey dey hongry dem.

3 John 1:10

So, wen I kom, I go tell evribody wetin e do; tins wey wi nor do and e sey wi do am. Even doh e dey tok bad about us, dat one nor do for am; nor bi only sey e nor dey welkom awa brodas, but e dey make odas nor welkom dem too and e dey drive dem komot from di church.

Revelashon 12:9

Dis dragon na di old snake wey bi di devil or Satan, wey dey deceive di world. Dem trow am kom down from heaven with en angels.

Revelashon 13:14

E deceive di pipol for dis eart with di mirakles wey e dey do for di beast front and e tell di pipol sey, make dem make one image for di beast (wey wound before, but still dey alive).

Revelashon 18:23

Even lantan lite nor go ever shine inside yu again! Dem nor go ever hear sey man and woman dey marry inside yu again. Na yor tradas get pawa pass for dis world, bikos yu take yor majik deceive all di oda kountries!

Revelashon 19:20

So dem seize di beast and di fake profets wey dey help am do mirakles to deceive pipol wey kollect di beast mark and woship en image. Den dem trow dem two inside di fire wey sulfur dey and di fire burn dem alive.