James 3:5 - Holy Bible Nigerian Pidgin English

⁵ Na so di tongue bi too: naim small pass for di body, but di tins wey e fit do big well-well. Make una tink how small fire fit burn big forest rish groun.

James 3:5 Iomraidhean Croise

Job 22:17

Dis na di pipol wey rijet God, dem bilive sey E nor fit do dem anytin.

Psalms 10:3

Bikos dem dey make mout about di evil tins wey dem dey do. Yes! Dem dey praiz pipol wey get long-trot and dey curse God.

Psalms 17:10

bikos dem nor dey sorry for pesin. Make Yu hear as dem dey boast!

Psalms 39:1

I tell mysef sey, “I go dey kareful for wetin I dey do and I nor go sin with wetin I dey tok. I go hold my tongue wen sinnas dey near mi.”

Exodus 15:9

Di enemies sey, ‘I go porshu, katch, divide dia propaty kon take evritin wey I wont. I go distroy dem with my swod.’

Exodus 5:2

But Fero ask dem, “Who bi dis God wey go make mi fear am kon let Israel pipol go? I nor know am, so I nor go let Israel pipol go.”

Proverbs 12:18

Foolish pipol dey tok anyhow, but wetin wise pipol tok, dey heal many wound.

Proverbs 15:2

Wen wise pipol tok, pipol dey undastand well, but na only yeye words dey kom out from foolish pipol mout.

Proverbs 18:21

Wetin yu tok fit save or distroy yor life. So yu must asept di result of wetin yu tok.

Proverbs 26:20

Fire nor dey katch without wood; so without aproko, kworel nor go dey.

Jeremaya 18:18

Den di pipol sey, “Make una kom, make wi do sometin about dis Jeremaya! Wi go always get priest wey go dey to tell us wetin wi go do; wise pipol go dey wey go advise us and wi go always get profet wey go prish God word give us. So make wi lie against am kon stop to listin to anytin wey e tok.”

Ezekiel 28:2

“Man pikin, go tell Tyre king wetin mi God wey get pawa dey tell am: “Yu dey proud and yu dey sey yu bi god wey sidan for throne and sea dey round yu. Yu fit pritend sey yu bi god, but make yu know sey na human being yu bi and nor bi wetin yu tink.

Ezekiel 29:3

Tell am sey dis na wetin God wey get pawa dey tok: “Yu wey bi juju for wota, I bi yor enemy naw. Yu sey na yu get and kreate Nile River abi?

Daniel 3:15

So naw, if una don ready, wons una hear di trumpet, di horn, lyre, jita, harp and all di oda instrument sound, make una bow woship di image. If una nor gri, na wons I go trow una enter di fire. Abi una tink sey any god dey wey go save una?”

Daniel 4:30

E kon sey: “Dis nor bi di great Babilon wey bi di royal town wey I build by mysef to show my pawa, strent, glory and honor?”

James 3:4

Look ship for wota: E big well-well and na strong breeze dey fit push am, but na one small wheel di driver dey use take kontrol am.

2 Pita 2:18

Dem dey use dia big-big grammar wey nor mean anytin, take deceive pipol wey just dey won komot hand for bad tins.

Jude 1:16

Dis pipol dey komplain waka and dey find fault. Dem dey go anywhere wey dia body karry dem go and dem dey boast. Dem dey tok wetin pipol like to hear, so dat odas go praiz dem.