James 2:6 - Holy Bible Nigerian Pidgin English

⁶ But una nor dey respet poor pipol! Nor bi rish pipol dey opress and drag una go kourt?

James 2:6 Iomraidhean Croise

Job 20:19

bikos dem don beat and kollect from pipol wey nor get. Dem still seize dia house,

Psalms 10:10

Dem dey kill pipol wey nor get pesin wey go help dem; doz wey nor get pawa rish dem.

Psalms 10:14

But Yu dey si di trobol and wahala wey dem dey kause. Yu dey si evritin; so make Yu ponish dem. Doz wey nor get help dey trust Yu and na Yu dey fight for shidren wey nor get papa and mama.

Psalms 10:2

Wiked pipol dey porshu and ponish poor pipol. So make di evil trap wey dem set for oda pipol, katch dem.

Psalms 10:8

Dem dey hide wait for di village gate; where nobody go for si dem kon kill innocent pipol and dem dey always fine and wound pipol wey nor get help.

Psalms 12:5

So God ansa, “Bikos of di wiked tins wey dem don do to pipol wey nor get help and di pains wey poor pipol dey face, I go do sometin; I go fight for dem, bikos na so dem wont make I do since.”

Psalms 14:6

Even doh wiked pipol dey fight poor pipol, God go guide and protet dem.

Proverbs 14:31

Doz wey dey opress poor pipol, dey kause God wey kreate dem, but to help poor pipol, na to honor God.

Proverbs 17:5

If yu dey laf poor pipol, den yu dey curse God wey kreate dem, so pesin wey dey happy sey odas fall, God go ponish am.

Proverbs 18:23

Poor man dey honbol ensef as e dey tok, but rish pipol dey ansa and tok anyhow.

Proverbs 22:16

If yu dey give rish pipol gift kon dey opress poor pipol make yu for get more money, yu go poor too.

Proverbs 22:7

Na rish pipol dey rule poor pipol and if yu borrow money from pesin, yu go bi en savant.

Ekklesiastes 5:8

Nor sopraiz wen dem dey opress poor pipol or as bad judgement dey kover good judgement. Dis na bikos, di lowa ofisas must do wetin dia senior ofisas orda dem to do.

Isaya 53:3

Pipol rijet am and dem nor like am at-all. E bear sofa and pain well-well. Nobody even sorry am and wi trit am like sey e nor mean anytin.

Amos 4:1

Samaria wimen, una bi fat melu for Bashan! Una dey ponish pipol wey nor strong, wey dey poor and dey opress doz wey dey hongry, den una go tell una husband, “Give us more wine make wi drink.”

Amos 5:11

So, since una dey opress and tif from poor pipol, una nor go stay for di fine house wey una build or drink wine from di fine vine wey una plant.

Habakkuk 3:14

Wen en sojas gada dey kom like strong breeze to kom skata and opress us, Yu kill dem with yor arrow.

Zekaraya 7:10

Make una nor opress wimen wey dia husband don die; shidren wey nor get papa and mama; strenjas wey dey una town; doz wey nid una help and make una nor plan bad against each oda.’

John 8:49

Jesus kon tell dem, “I nor get demon. I dey respet my Papa, but una nor gri respet mi.

Acts 13:50

But di Jew pipol tok bad tins about Paul and Banabas give all di big wimen wey dey fear God and di big-big men for di town, so dem sofa dem and drive dem komot from di aria.

Acts 17:6

Wen dem nor si dem, dem kon drag Jason and some for en brodas go meet di town oga, dey shaut, “All dis pipol wey don start wahala for di world, don rish here too

Acts 18:12

Wen Gallio dey rule for Akaia, Jew pipol join togeda attack Paul kon karry am go di judgement seat.

Acts 8:3

But Saul try to distroy di church; e dey go from house to house dey arrest men and wimen put for prison.

1 Korintians 11:22

Una nor get house wey una go for chop and drink? Abi una hate God church? Una won disgrace pipol wey nor get anytin to chop? Wetin I go fit tell una naw? I nor go fit praiz una at-all.

James 2:3

and una respet di one wey wear fine klot, kon tell am, “Sidan for betta place,” but una tell di poor pesin, “Stand der,” or “Sidan for groun.”

James 5:4

Si, di money wey yu nor gri pay di workers wey dey work for yor farm, dey kry against yu and di pipol wey dey gada wetin yu plant, dia kry don rish God ear.

James 5:6

Yu don kondemn and kill pipol wey nor do bad, bikos dem nor fit stop yu.