Isaya 5:9 - Holy Bible Nigerian Pidgin English

⁹ God wey dey lead heaven sojas sey, “One day, all dis big fine house go skata and nobody go stay inside again.”

Isaya 5:9 Iomraidhean Croise

2 Kronikles 36:21

So, wetin God tok thru Profet Jeremaya kon happen. “Dem go abandon di land; di land go rest well-well until di seventy years don komplete just as God tok am.”

Job 15:28

But dia towns go skata. Dem go stay for abandon house wey don near skata.

Job 20:21

Nor-tin dey remain for plate wey dem take chop; dat na why dia propaty nor dey last.

Proverbs 15:27

Long-trot dey kill pesin family finish, but doz wey hate bribe, go get long life.

Isaya 22:14

But dis na wetin Oga God wey dey lead heaven sojas tell mi, “True-true, as long as dem dey alive, I nor go forgive dem dia sin.” Mi wey bi God wey get pawa, don tok.

Isaya 27:10

Naw, dem don distroy all di strong towns. E empty and e don turn desert where animals for dey kom look for food chop.

Isaya 5:6

I go let grass grow for evriwhere and I nor go trim di vine or use hoe dig di groun again, instead, I go let dirty kover am and rain nor go ever fall put again.”

Amos 3:7

Before God wey get pawa do anytin, E go first show en plans to di profets, wey bi en savant.

Amos 5:11

So, since una dey opress and tif from poor pipol, una nor go stay for di fine house wey una build or drink wine from di fine vine wey una plant.

Amos 6:11

True-true, make una si! Wen God kommand, both big and small house go skata to pieces.

Matiu 22:7

Di king vex well-well kon send en sojas make dem go kill di pipol wey kill en savants and make dem burn evritin for dia town.

Matiu 23:38

Si, from today go, una go skata and una house go empty.

James 5:4

Si, di money wey yu nor gri pay di workers wey dey work for yor farm, dey kry against yu and di pipol wey dey gada wetin yu plant, dia kry don rish God ear.