Isaya 2:8 - Holy Bible Nigerian Pidgin English

⁸ Juju still full dia land too and dem dey woship tins wey dem use dia hand take make.

Isaya 2:8 Iomraidhean Croise

1 Kings 16:7

Na God give Profet Jehu di message wey e tok against King Baasha and en family, bikos of di sin wey dem kommit. Nor bi only en wikedness dey make God vex, but na bikos e kill evribody for Jeroboam family.

2 Kings 17:10

Dem build image and Asherah juju for evry high place and under evry green tree.

2 Kings 17:16

Dem nor gri follow di Oga dia God kommand, instead dem make two juju iron and one Asherah juju kon dey bow down to stars for sky and dey woship Baal juju.

2 Kronikles 27:2

E obey God, just like en papa Uzzaya. (E nor enter di temple go burn incense like en papa). But di pipol still dey sin.

Isaya 17:8

Dem nor go put dia hope for di altar wey dem make with dia hand or trust Asherah juju or di incense altar wey dem still make with dia hand.

Isaya 26:13

Oga God, difren-difren pipol don rule us, but na only Yu wi go dey praiz forever.

Isaya 37:19

e burn all dia gods wey nor bi god at-all, bikos dem bi image wey human being use dia hands make.

Isaya 40:19

E nor bi like juju wey man make or di one wey doz wey dey karve wood kover with gold or put silva.

Isaya 41:29

All dis gods dey yuzles; dem nor fit do anytin at-all. Di juju dem dey weak and konfuse and dem nor get pawa at-all.”

Isaya 57:5

Una dey woship yeye gods and dey sleep with each oda under doz trees. Una dey sakrifice una shidren for di rock wey dey near di stream.

Jeremaya 1:16

Like dis, I go ponish my pipol for Jerusalem and Judah, bikos of dia wikedness. Dem forget mi kon dey woship and offa sakrifice give juju and oda gods wey dem make with dia own hand.

Jeremaya 11:13

Judah pipol gods plenty, just as di towns wey dem get. And as Jerusalem street plenty rish, na so too di altar wey dem build for Baal juju, plenty too.

Jeremaya 2:28

Where di gods wey una make for unasef? Wen ever una dey for trobol, make dem kom save una if dem fit! True-true, di gods wey dey Judah many like di towns wey dem get.

Hosea 12:11

But Jabesh-Gilead pipol nor mean anytin bikos dem dey woship juju. And dem dey sakrifice animals for Gilgal; dia altars bi like stones wey dem gada togeda for field wey dem klear.

Hosea 13:2

Dem still dey sin and woship juju wey dem make kon design am with silva. Dem dey sey, “Make una kom sakrifice and kiss dis juju!”

Hosea 14:3

Assyria pipol nor go fit save us and awa shariot nor go fit protet us. Wi nor go ever tell juju again sey, ‘Na yu bi awa god!’ Na Yu God dey save doz wey nor get papa and mama again.”

Hosea 8:6

Na una Israel pipol karve di juju by unasef. Di juju nor bi god! Di gold melu wey una dey woship for Samaria, go skata to pieces!

Mikah 5:12

I go stop all di wiked tins wey una dey do and nobody go help una dey si vishon again.

Acts 17:16

As Paul dey Atens dey wait for dem, e kon dey vex for en spirit, bikos e si sey na so-so juju full di town.

Deutronomi 4:28

For der, una go woship gods wey pesin take hand make; wood and stones wey nor go ever fit si, hear, chop or smell.

Revelashon 9:20

But di pipol wey dis tins nor kill, nor still gri turn from sin kom meet God wey go save dem. Dem kontinue to serve demon and juju wey dem make with gold, silva, bronze, stone and wood. Dis juju nor dey si, hear or waka.