Haggai 1:9 - Holy Bible Nigerian Pidgin English

⁹ “Una dey put mind sey una harvest go plenty, but na small una dey get. Even wen una karry di small food wey una harvest rish house, I go blow dem trowey. Na wetin make mi do like dat? Na bikos my temple skata and all of una dey build fine-fine house for unasef.

Haggai 1:9 Iomraidhean Croise

2 Samuel 21:1

Wen David bi king, strong honga kon dey and e last for three years. So David ask God and E ansa am sey, “Saul and en family dey guilty, bikos dem kill pipol. Dem kill Gibeon pipol.”

2 Samuel 22:16

Di river dry finish and di eart foundashon kon open so God nor keep silent and E kon shaut for en enemies with vexnashon.

2 Kings 19:7

God go put one kind spirit for inside am wey go make am hear rumor, den e go-go back to en own kountry, den God go kill-am for der.’ ”

Job 10:2

I go tell God sey, ‘Before Yu kondemn mi, first tell mi wetin I do wey make Yu dey vex.’

Proverbs 11:24

Wen pipol give out dia money, dem dey get more; but doz wey nor dey give, nor dey get at-all.

Proverbs 27:20

Just as grave nor dey taya to take dead body, na so too di tins wey pipol wont for dis world, nor dey satisfy dem.

Ekklesiastes 1:8

All dis tins dey taya pesin and nobody fit shange or tok as dem bi: No matter wetin wi dey si and hear, awa eyes still won si and awa ear still won hear more.

Isaya 40:7

Grass dey dry and flowers dey fade wons God send strong breeze go blow dem. Na so too pipol nor dey last pass grass.

Isaya 5:10

True-true, big vineyard go produce only five gallon of wine and ten basket of seed go produce only one basket of good korn.

Jeremaya 12:13

My pipol go plant korn, but na grass dem go gada. Even doh dem work hard, nor-tin go show sey dem work, bikos I dey vex for dem, so dia food wey dem plant, nor go grow.”

Ezekiel 21:31

Una go feel my vexnashon like hot fire. And I go give una to wiked men wey sabi distroy tins.

Levitikus 19:25

Den for di fift year, una fit chop di fruit wey e bear kon add am join una harvest. Na mi bi di Oga una God.

Haggai 1:4

“My pipol, e good as una dey stay for fine-fine house and my temple skata?”

Haggai 1:6

Una plant many korn, but wetin una harvest, small. Una get food to chop, but e nor dey beleful una. Una get wine to drink, but e nor dey rish una! Even wen una wear many klot, e nor dey make una warm and pipol wey dey work, dia salari nor dey rish dem spend.

Malakai 2:2

Una must honor mi with wetin una dey do, but if una nor gri listin to wetin I dey tok, I go curse una. I go bikos of wetin una do, curse evritin wey una get. True-true, I don already curse una, bikos una nor gri honor mi.

Deutronomi 28:38

Una go plant plenty seed, but na small tin una go harvest, bikos siti-siti go chop evritin wey una plant.

Revelashon 2:4

But dis na wetin I get against yu: di way yu love mi naw, nor strong rish as e bi before!

Revelashon 3:19

I dey korrect and ponish anybody wey I love. So make yu dey sirious kon turn from sin kom meet God!