Daniel 9:16 - Holy Bible Nigerian Pidgin English

¹⁶ Before-before, Yu dey defend us. So make Yu nor vex for Jerusalem again, bikos na yor town and holy hill, e bi. Doz wey dey stay near us, dey look Jerusalem kon dey laf yor pipol, bikos of awa sin and di wiked tins wey awa grand-grand papa dem do.

Daniel 9:16 Iomraidhean Croise

Nehemaya 9:8

Na bikos Yu si as e dey faithful rish, naim make Yu make kovenant with am. Yu promise to gi-am Kanaan, Hit, Amor, Periz, Jebus and Girgash pipol land. Di land wey en shidren-shidren go stay and Yu keep yor promise, bikos Yu dey faithful.

Psalms 143:1

My God, make Yu hear my prayers; make Yu listin as I dey pray! Make Yu ansa mi, bikos Yu dey good and evritin wey Yu dey do, dey rite.

Psalms 31:1

My God, na Yu dey protet mi; so make Yu nor let pipol disgrace mi. Make Yu save mi, bikos Yu dey always do di rite tin.

Psalms 41:13

So make una praiz di Oga wey bi Israel God, bikos E dey alive forever and ever. Amen!

Psalms 71:2

Make Yu kom take and save mi, bikos Yu dey do wetin dey rite. Make Yu listin and diliver mi.

Psalms 79:4

Awa neighbours dey laf us; pipol wey dey around us, dey take us make yeye.

Psalms 85:4

My God wey dey diliver us, make Yu save us again! Make Yu nor dey vex for us!

Psalms 89:51

Yor enemies dey laf and fool mi. Anywhere wey di king wey Yu anoint go, na so-so laf dem dey laf am.

Exodus 20:5

Make una nor bow or serve dem, bikos na mi bi di Oga una God and I dey jealous well-well. I bi God wey dey ponish shidren and dia shidren-shidren, bikos dia papa Rijet mi.

Isaya 5:25

God dey vex for en pipol and E don ready to ponish dem. Mountins go shake and pipol wey die, dem go leave dia dead body for street like dirty. God vexnashon nor go end for der, but E go still ponish dem.

Jeremaya 24:9

I go give dem wahala sotey all di nashons for di world go fear. Pipol go laf dem well-well; use dem dey make yeye kon dey curse dem for anywhere wey I skata dem go.

Jeremaya 29:18

I go use war, honga and diziz take porshu dem, sotey all di oda nashons for di world go shok, fear, laf and curse dem for anywhere wey I skata dem go,

Jeremaya 32:31

E go happen bikos since dem build dis town kon rish naw, di pipol for dis town don make mi vex well-well, so I go distroy am.

Jeremaya 32:32

I go must do am, bikos of di bad-bad tins wey Judah and Jerusalem pipol don do. Bikos of di wiked tins wey dem do, I go distroy am with both dia king, leaders, priests and profets.

Ezekiel 22:4

Una really kill pipol and na di juju wey una dey serve, dey dirty una. So una day dey kom and una time go soon end! Na dis make mi allow nashons and kountries dey laf and fool una.

Ezekiel 5:14

“All di pipol wey dey di oda nashons near una, wen dem waka pass, dem go dey laf and fool una, bikos of how God take distroy una land.

Daniel 11:45

E go even build small palis for di sea centre near di holy mountin. But wen e go die, nobody go dey der to help am.”

Daniel 9:20

As I still dey pray, dey konfess and beg God make E forgive mi and Israel pipol sin kon sorry for en holy temple,

Joel 3:17

“Den, Israel pipol, una go know sey na mi bi di Oga una God. I dey stay for Zion wey bi my holy hill. Jerusalem go bi holy town and strenjas nor go fit win am again.

Zekaraya 8:3

And naw, Oga God sey, “I dey go back to Jerusalem kon stay for Zion wey bi my holy town. Den pipol go koll Jerusalem ‘Di town wey dey faithful’ and dem go koll Oga God mountin, ‘Di holy mountin.’ ”

2 Tesalonians 1:6

E good as God dey ponish di pipol wey dey trobol una.

1 John 1:9

But if wi konfess awa sin to am, e go forgive us kon wosh evritin wey nor good for God eye komot from awa life, bikos Christ dey always do wetin e sey e go do, since e dey raitious.

1 Samuel 2:7

E dey make some poor kon make odas rish. E dey honbol some kon make odas great.