Daniel 7:1 - Holy Bible Nigerian Pidgin English

¹ Di first year wen Belshazzar bi king for Babilon, Daniel dream one kind dream kon si plenty vishon wen e dey sleep, so e rite di dreams for book.

Daniel 7:1 Iomraidhean Croise

Jenesis 15:1

Afta all dis tins, God tok to Abram for vishon: “Abram! Make yu nor fear! Na mi dey guide yu and yor reward go big well-well.”

Jenesis 46:2

Wen Israel dey sleep for nite, God kon tok to am for vishon sey, “Jakob, Jakob!” E ansa, “Na mi bi dis!”

Job 4:13

E kom tell mi like sey na dream for nite wen evribody dey sleep.

Isaya 30:8

Naw, make yu go rite am down for dia present; rite am for one book so dat dem go fit keep am wait dia shidren-shidren make dem for know wetin happen.

Isaya 8:1

God tell mi, “Make yu take one big board kon rite dis tins put, ‘Maher-Shalal-Hash-Baz.’ ” (Wey mean, “Kwik Karry Make Yu Distroy Fast-fast.”)

Jeremaya 23:28

Make di profet wey dream, tok only wetin e dream and make di profet wey hear my message, tok di trut. Nobody fit use tree kanda kompare di main tree.

Jeremaya 27:7

All di nashons go serve en and en shidren-shidren, until wen en own nashon go fall. Den Babilon go bi savant to nashons wey get pawa and great kings.

Jeremaya 36:32

So, I take anoda book kon gi-am to my seketry, Baruk and e rite evritin wey I tell am. E rite evritin wey dey di first won kon add some oda ones wey I sey make e rite, join am.

Jeremaya 36:4

So, I koll Baruk wey bi Neraya pikin kon tell am evritin wey God tell mi and Baruk rite evritin put for one book.

Ezekiel 1:1

Thirty years afta dem karry us go Babilon as slave, wen I dey stay with my pipol near Chebar River, for di fift day for di fourt mont, heaven open and I kon si one vishon.

Ezekiel 40:2

So, for inside vishon, God karry mi go Israel land kon put mi on-top one high mountin. For my front, I si sometin wey bi like one big town.

Daniel 1:17

God kon give dis four men good sense; difren gift and wisdom. God give Daniel di gift to take tell pipol wetin vishon and dreams, mean.

Daniel 2:1

For di sekond year wen Nebukadnezzar dey rule, e kon dream many dreams. Di dreams dey disturb en mind and e nor fit sleep,

Daniel 2:26

Den di king kon ask Daniel (wey en name na Belteshazzar), “Yu go fit tell mi di dream wey I dream and wetin e mean?”

Daniel 4:13

Wen I still dey tink about dis dream, I kon si one angel dey kom down from heaven.

Daniel 4:5

But I dream one bad dream wey make mi fear. Wetin I dey tink as I sleep for my bed and di vishon for my mind really make mi fear well-well.

Daniel 5:1

King Belshazzar do party for en royal men wey rish 1,000 and e kon drink wine togeda with dem.

Daniel 5:22

“But yu, Belshazzar wey bi Nebukadnezzar pikin, neva gri respet God, even doh sey yu know all dis tins wey happen.

Daniel 5:30

So for dat nite, dem kon kill Belshazzar wey bi Babilon king.

Daniel 7:13

As I still dey look for di vishon for nite, I si wetin bi like human being. E dey waka kom with kloud wey dey round am, den e go show ensef give di Pesin wey dey live forever.

Daniel 7:15

“Di vishon wey I si dey disturb mi.

Daniel 7:7

“As I still dey look for di vishon, di nomba four beast kom out: E get pawa, e wall-wall and pipol dey fear am well-well. En tit dem na iron. E dey distroy and skata anytin kon use en leg take skata wetin remain. E dey difren from all di beast wey first kom and e get ten horn.

Daniel 8:1

For di third year wey King Belshazzar dey rule, mi Daniel si anoda vishon apart from di ones wey I don si before.

Joel 2:28

Afta all dis tins, I go put my spirit for una body. Una shidren go prish my message; di old pipol among una go dey dream dreams, while di yong ones go dey si vishon.

Amos 3:7

Before God wey get pawa do anytin, E go first show en plans to di profets, wey bi en savant.

Habakkuk 2:2

So God ansa: “Di vishon wey I dey tell yu naw, make yu rite am down make e klear, so dat anybody wey read am, go undastand am well-well.

Nombas 12:6

God tell dem, “Make una listin to mi: “If anybody bi profet among una, mi God go show mysef to am thru vishon kon tok with am for dream.

Romans 15:4

Bikos evritin wey dem rite from biginnin, na to tish, enkourage and give us hope.

2 Korintians 12:1

E good to dey boast, even doh gain nor dey inside. I go still dey tok about di vishon and revelashon wey Jesus Christ show mi.

Revelashon 1:19

So make yu rite wetin yu si: both doz wey go happen naw and di ones wey go happen leta.

Revelashon 10:4

I dey ready to rite wen di seven tundas dey tok, but I hear one vois from heaven dey sey, “Anytin wey di seven tundas tok, make yu keep am as sekret and nor rite dem at-all.”