Daniel 4:32 - Holy Bible Nigerian Pidgin English

³² Dem go drive yu komot from where human being dey and yu go stay with animals. Na seven years yu go take chop grass like melu kon sleep for open field where dew go fall for yor body, until yu go know sey na di Most High God get pawa ova evry kingdom and E dey gi-am to anybody wey E like.”

Daniel 4:32 Iomraidhean Croise

2 Kronikles 33:13

Wen e pray to God, God hear and ansa en kry for help. God bring am kom back to Jerusalem wey bi en kingdom. Den Manasseh kon know sey na di Oga bi di true God.

Job 42:2

“I know sey na Yu get pawa pass! Yu fit do anytin wey Yu won do and nobody fit stop!

Job 9:12

Nobody fit stop am. E dey take wetin E won take. Nobody fit even ask am, ‘Wetin Yu dey do?’

Psalms 115:3

Awa God dey for heaven and E dey do wetin E like.

Psalms 135:6

E dey do anytin wey E like for heaven and eart, both for under di sea and ocean too.

Exodus 8:10

Fero ansa, “Na tumoro.” Den Moses sey, “E go bi as yu tok, so dat yu go know sey nobody bi like di Oga wey bi awa God.

Exodus 9:14

Bikos dis time, I nor go only ponish yor savant and pipol, but I go ponish yu too, so dat yu go know sey nobody bi like mi for di whole world.

Exodus 9:29

Moses ansa am, “Wen I komot go inside town I go stresh my two hand go heaven to di Oga wey bi God, den di tonda go stop and di ice-blok nor go fall again, so dat yu go know sey na Oga God get di whole world.

Isaya 37:20

Naw, Oga wey bi awa God, make Yu save us from Assyria pipol, so dat all di nashons for di world go know sey, na Yu bi God.”

Isaya 40:15

Si, di nashons nor mean anytin to God, dem bi like one drop of wota. Di island wey dey for far nor heavy rish dust for God hand.

Isaya 40:17

All di nashons nor mean anytin to am at-all. For God eye, dem nor mean anytin at-all.

Isaya 45:3

I go give yu betta tins wey dem hide for dark and sekret place. Den yu go know sey, na mi bi God! Israel pipol God, wey koll yor name.

Jeremaya 27:5

“Na with my mighty pawa and great strent I take kreate di eart, di pipol and di animals wey dey inside and I don give dis pawa to pipol wey I like gi-am to.

Daniel 2:21

Na-im dey shange time and sizin; dey make and distroy kings. E dey give wisdom, undastandin and knowledge to wise pipol.

Daniel 4:31

As e still dey tok, one vois kom from heaven kon sey: “King Nebukadnezzar, make yu hear wetin I dey tok, God don komot yor kingdom from yor hand!

Daniel 5:21

Dem porshu am komot for where human being dey. En mind kom bi like animal own and e kon dey follow wiked donkeys dey stay. E dey chop grass like sey e bi melu kon dey sleep for bush and e nor get anytin to take kover en body from dew wey dey fall. Na so e bi until e kom bilive sey na God dey rule ova human being and dey give leadership to anybody wey E like.

Joshua 4:24

E do am make all di kountry for eart know sey na God get all di pawa, so una must always obey di Oga wey bi una God.”