Daniel 2:5 - Holy Bible Nigerian Pidgin English

⁵ Di king ansa di wise men, “I don tok for my mind sey una go tell mi my dream and wetin e mean. But if una nor fit tell mi di dream and wetin e mean, den I go make sure sey dem kut una to pieces kon skata una house!

Daniel 2:5 Iomraidhean Croise

2 Kings 10:27

Dem break di juju image and en house and na der pipol dey shit put kon rish today.

Ezra 6:11

So, I kommand sey if any of una nor obey dis orda, dem go komot one wood pila from en house, sharp one side, den take am shuk di pesin die. And dem go turn di house to where dem dey trowey dirty put.

Psalms 50:22

All of una wey don forget mi, make una turn from sin kom meet mi or I go kill una finish and nobody go kom help una.

Psalms 58:7

Make dem vanish like wota wey dey flow! Make dem dry like grass wey pipol go burn trowey!

Daniel 2:12

Bikos wetin dem tok make di king vex, e kon sey make dem kill and distroy all di wise men wey dey for Babilon.

Daniel 3:29

Naw, I dey kommand sey evribody for dis land wey go tok anytin against Shadrak, Meshak and Abednego God, dem go kut am, just as dem dey kut leaf kon distroy en house.”

Daniel 4:9

“Belteshazzar, na yu bi di majishan dem oga; I know sey di gods spirit dey inside yu and e nor get any dream or vishon wey yu nor know en meaning. I go tell yu my dream and yu go tell mi wetin e mean!

Deutronomi 13:16

Una must gada all di dirty for der kon put am for di street centre, den burn di town rish groun as ofrin to di Oga una God. Una must distroy di town forever and make nobody build am again.

Joshua 6:26

For dat time, Joshua kon swear sey: “Anybody wey sey e won build Jeriko town again, God go kondemn am. “E first boy pikin go die as e stay to build am and en last boy pikin go die wen e dey put di gate!”

1 Samuel 15:33

Samuel kon sey, “Just as yor swod kill pipol shidren kon make some wimen nor get pikin again, na so yor mama nor go ever get pikin again.” Den Samuel kut Agag to pieces for God present for Gilgal.