Daniel 10:16 - Holy Bible Nigerian Pidgin English

¹⁶ Den di angel wey bi like human being, appear kon tosh my lip. I open my mout kon start to tok. I tell am, “Oga God! Dis vishon don make mi weak and na-im make mi dey shake anyhow.

Daniel 10:16 Iomraidhean Croise

Exodus 4:10

Den Moses tell God, “My Oga God, Yu know sey I nor sabi tok well since dem born mi kon rish naw wey Yu dey tok to mi, yor savant.”

Exodus 4:13

But Moses sey, “My Oga God, abeg make Yu send anoda pesin wey Yu go like to send.”

Ekklesiastes 1:18

bikos di more I dey find out, di more e dey worry mi well-well, bikos plenty wisdom dey bring plenty wahala too. So di more yu know, di more yu dey kause wahala for yorsef.

Isaya 6:7

E use di hot shako take tosh my lips kon sey, “Dis tin don tosh yor lip, so from naw, yu don dey klean, bikos God don forgive yu.”

Jeremaya 1:9

So God stresh en hand kon tosh my mout, den E sey, “Make yu listin, na mi go tell yu wetin yu go tok.

Ezekiel 1:26

On-top di flat crystal wey dey dia head, e get one tin wey bi like throne wey dem make with safaya. On-top di throne, wetin dey der, bi like human being.

Ezekiel 3:27

Den wen I tok to yu again kon give yu di pawa to tok, yu go tell dem wetin mi wey bi God tok. Some of dem go listin, but some nor go listin to wetin yu dey tok, bikos na bad pipol full der.”

Ezekiel 33:22

But for di evening before e kom, I feel as God present strong rish. So wen di man kom di next morning, God kon give mi di pawa to tok.

Daniel 12:8

I hear wetin e tok, but I nor undastand. So I kom ask, “Wetin go happen afta all dis tins?”

Daniel 4:19

Den Daniel (wey en name na Belteshazzar) kon dey worry sotey e nor fit tok anytin. Di king kon tell am, “Belteshazzar, make yu nor let dis dream and en meaning worry yor mind.” Daniel ansa, “My king, e for betta sey dis dream na for yor enemy and wetin e mean, na for di pipol wey dey trobol yu!

Daniel 7:15

“Di vishon wey I si dey disturb mi.

Daniel 7:28

“Na like dis di matter take end. But for mi, Daniel, my mind kon dey disturb mi well-well and I kon kover my face bikos I dey fear. But I still keep evritin to mysef.”

Daniel 8:15

As I still dey try to undastand wetin di vishon mean, I kon si pesin stand for my front.

Daniel 8:17

Gabriel stand near mi, so bikos I dey fear, I kon fall face groun. Naim e sey, “Man pikin, make yu undastand wetin e mean. Di vishon dey show yu how di world go take end.”

Daniel 8:18

As e dey tok to mi, I kon faint for groun. But e tosh mi and I get up.

Daniel 8:27

So I faint and I kon dey sick for some days. Den afta, I get up kon go do di work wey di king sey make I do. But di vishon still dey sopraiz mi, bikos I nor fit undastand wetin e mean.

Daniel 9:21

Angel Gabriel wey I don first si for my vishon before kon dey fly kom where I dey. Dat time, dem won offa di evening sakrifice.

Luke 1:64

Den Zekaraya mout open and e kon bigin praiz God.

Luke 21:15

bikos I go give una di word wey una go tok and wisdom wey una enemy nor go fit oppoz.

John 20:28

Tomas ansa am, “O! My Oga God and my God.”

Joshua 5:14

Di man ansa, “Na mi bi di oga among God sojas for heaven. Naw I don kom!” Joshua fall face groun kon sey, “Wetin my oga won tell en savant?”

Revelashon 1:13

And di pesin wey stand for di lampstand centre, bi like Man Pikin. E wear long dress with gold belt for en waist.

Judges 13:8

Den Manoah pray give God, “My God! Abeg, make yor angel kom again kon tell us more tins wey wi go do about di pikin, wen dem don born am.”

Judges 6:13

Gideon ansa, “My Oga! If God really dey with us, wetin make all dis tins dey happen to us? And where all di mirakle wey awa grand-grand papa dem tell us? Bikos dem sey, ‘Na God take us komot from Egypt!’ But naw, God don forget us kon allow Midian pipol dey rule us.”

Judges 6:15

Gideon ansa, “My Oga! Na how I go take save Israel pipol? Na my family weak pass for Manasseh tribe and na mi small pass for di family!”