2 Samuel 22:31 - Holy Bible Nigerian Pidgin English

³¹ Di tins wey dis God dey do, dey pafet. Make wi trust en words! E dey kover pipol wey wont make E protet dem.

2 Samuel 22:31 Iomraidhean Croise

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

Proverbs 30:5

“Evritin wey God tok, dey korrect. E dey guide evribody wey kom meet am make E protet dem.

Psalms 18:30

God ways dey pafet and all en promise na true. E dey guide evribody wey kom make E protet am.

Matiu 5:48

So make una dey pafet as una Papa wey dey for heaven, pafet.”

Psalms 119:140

I don test yor promise well-well kon si sey dem dey pure and dat na why I always dey love dem.

Psalms 12:6

God promise dey pure well-well like silva wey dem melt for fire.

2 Samuel 22:3

Na God dey protet and save mi. Na-im bi my shield and E dey defend mi. E dey protet and save mi from danger.

Psalms 35:2

Make Yu wear yor war klot, ready for war, den kom save mi.

Psalms 91:4

E go kover yu with en feada and na der yu go dey save. Na en promise wey nor dey fail, dey guide and protet us.

Psalms 84:9

My God, make Yu favor di king wey dey guide us! Make Yu favor di one wey Yu anoint.

Revelashon 15:3

Dem dey sing Moses wey bi God savant and di Lamb song sey: “God wey dey mighty, si as di tins wey yu dey do dey big and wonderful! Yu wey bi king for all nashons. Yu nor dey do parsha and evritin wey yu dey do, na true.

Daniel 4:37

Naw, mi Nebukadnezzar praiz, woship and hail di King wey dey heaven. Evritin wey E dey do dey rite and en ways dey pure. Pipol wey dey karry body up, E dey bring dem down.

Psalms 2:7

Den di king sey, “I go tell una wetin God kommand. God tell mi sey: ‘Yu bi my pikin! Today, I don bi yor papa!

Nehemaya 9:8

Na bikos Yu si as e dey faithful rish, naim make Yu make kovenant with am. Yu promise to gi-am Kanaan, Hit, Amor, Periz, Jebus and Girgash pipol land. Di land wey en shidren-shidren go stay and Yu keep yor promise, bikos Yu dey faithful.

Job 34:10

“Men wey dey undastand, make una listin to mi! God Almighty go fit do wetin dey wrong?

Psalms 145:17

God dey rite for evritin wey E dey do; na goodness full en body.

Ekklesiastes 3:14

Bikos I know sey anytin wey God do, na final and e go dey forever; dem nor go fit add anytin join am or remove anytin from inside. God make evritin like dis, so dat pipol go fear am.

Daniel 4:34

But wen di seven years don pass, mi, Nebukadnezzar kon look heaven and my sense kom back to mi. I praiz di Most High God kon give honor and glory to di Pesin wey dey live forever and en kingdom go last forever.