2 Samuel 10:19 - Holy Bible Nigerian Pidgin English

¹⁹ Wen di kings wey dey follow Hadadeza si sey Israel sojas don win dem well-well, dem kon go make peace with David and dey obey am. So, Siria pipol nor gri help Ammon pipol again.

2 Samuel 10:19 Iomraidhean Croise

2 Samuel 8:3

David still win King Hadadeza wey Rehob bi en papa, wey dey rule Siria for Zobah wen King Hadadeza dey go take-ova Uppa Eufrates for di river aria.

2 Samuel 8:6

Den e build soja kamp for dia aria and dem kon dey pay dia tax to am. God make David win for evriwhere.

1 Kings 20:1

King Ben-Hadad for Siria gada all en sojas, with thirty-two oda kings, with dia horse and shariot, den dem mash go attack Samaria.

1 Kronikles 19:19

Wen di kings wey dey respet King Hadadeza si sey Israel pipol don win dem well-well, dem kon go make peace and bigin obey King David. So Aramean pipol nor gri kon help Ammon pipol again.

Isaya 26:11

My God, even doh Yu don dey ready to ponish wiked pipol, dem nor still know sey Yu won ponish dem. Dem go si am and shame go katch dem wen dem si how Yu go take judge yor enemies for di world.

Daniel 2:37

“My king, yu get pawa pass any oda king. God wey dey for heaven don make yu leader kon give yu pawa, strent and honor.

Joshua 11:10

For dat time, Joshua attack Hazor town kon kill en king, bikos na Hazor town dey lead all di kingdoms.

Revelashon 18:10

Bikos di kings nor one join am sofa, dem go stand far dey sey, “E bad well-well! Babilon, di big town wey get pawa! E bad well-well for yu! Na for only one hour God take distroy yu finish!”

Judges 1:7

So Adoni-Bezek sey, “I don kut seventy kings hand and leg komot wons and I make dem chop food from under my tabol. But naw, God don pay mi back for wetin I do to dem.” So, dem karry am go Jerusalem and e die for der.