1 Samuel 7:3 - Holy Bible Nigerian Pidgin English

³ Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”

1 Samuel 7:3 Iomraidhean Croise

Jenesis 35:2

So Jakob tell en hold family and doz wey dey with am sey, “Make una skata all di oda gods wey dey with una. Make una go wosh unasef kon shange una klot.

1 Kings 11:33

I go do dis tin, bikos Solomon rijet mi kon bigin woship oda gods. E dey woship Astarte wey bi Sidon juju; Kemosh wey bi Moab pipol god and Milkom, wey Ammon pipol dey serve. Solomon nor obey mi; e dey do bad tins and e nor keep my laws and kommand, just as David en papa keep am.

1 Kings 8:48

If dem really turn from sin kon pray to Yu for dat land as dem face dis town wey Yu give awa grand-grand papa dem (dis town wey Yu don choose and dis temple wey I build for Yu),

2 Kings 17:39

Make una woship di Oga wey bi una God; den E go save una from all una enemies.”

2 Kings 23:15

E still skata di altar for Bethel and na Nebat pikin, Jeroboam wey make Israel pipol sin, build am. Den e burn all di high place to ashes kon distroy Asherah juju.

1 Kronikles 22:19

Naw, make una serve God with all una heart and soul. Make una start to build di temple, so dat una go fit put di Kovenant Box and all di holy tins wey dem take dey serve God, for inside.”

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

2 Kronikles 19:3

But yu don still do some good tins before. Yu remove Asherah juju from di town and yu really won follow God.”

2 Kronikles 20:33

But e nor still skata all di place where dem for dey serve juju and di pipol nor use all dia mind serve dia grand-grand papa God.

2 Kronikles 30:19

evribody wey won follow God wey bi en grand-grand papa God, even doh dem nor dey klean as dem rite am for di temple law.”

Proverbs 16:1

Even doh wi fit make awa own plans, na God get di final sey.

Isaya 55:7

Make wiked pipol turn from dia wiked life kon shange di way dem dey tink. Make dem turn go meet di Oga wey bi awa God, bikos E dey sorry for pesin and dey kwik forgive pipol.

Jeremaya 24:7

I go let dem know sey na mi bi God. Den, dem go bi my pipol and I go bi dia God, bikos dem go kom back kon serve mi with all dia heart.

Jeremaya 36:3

May bi, if Judah pipol hear di way I won take distroy dem, dem go shange from all di bad-bad tins wey dem dey do, den I go forgive all dia sin and wikedness.”

Jeremaya 4:1

God sey, “Israel pipol, if una really wont turn back kom meet mi, make una distroy all una juju,

Ezekiel 14:6

“Naw, make yu tell Israel pipol wetin mi God wey get pawa dey tok: Make una turn back from una juju and from di yeye life wey una dey live.

Ezekiel 18:31

Make una stop all di bad and wiked tins wey una dey do, so dat una go get new mind and heart. Israel pipol, why una like to die?

Hosea 14:1

Israel pipol, make una turn back kom meet di Oga una God, bikos una sin don make una fall.

Matiu 15:8

“ ‘Dis pipol dey praiz mi with dia mout, but dia heart dey far from mi

Matiu 4:10

Jesus ansa, “Komot here, devil! Bikos God word sey, ‘Na only God wi suppose to serve and woship.’ ”

Matiu 6:24

“Nobody go fit serve two oga, e go hate one kon love di oda one, or e go serve one with all en heart and nor respet di oda one. Nobody go fit serve God and money for di same time.

Luke 4:8

Jesus ansa, “God word sey, ‘Na only God yu must woship and serve.’ ”

John 4:24

God na Spirit and di pipol wey won serve am, must serve am for di true way wey God Spirit go show dem.”

Deutronomi 10:20

Una must fear di Oga una God kon woship and love am. Wen una swear, e go must bi with en name.

Deutronomi 13:4

Una must follow di Oga una God kon woship only en and una must follow en kommandment, obey, serve and always dey loyal to am.

Deutronomi 4:29

But if una turn to God from der, E go kom help una, dat na if una really turn kom meet am with all una heart and soul.

Deutronomi 6:13

Una must fear di Oga una God kon serve am. Una must use only en name take swear.

Joshua 13:31

Di land wey dem give half of Makir shidren wey Manasseh bi dia grand-grand papa na: half for Gilead land, Ashtarot and Edrei and King Og for Bashan kingdom and na akordin to dia family.

Joshua 24:14

“Naw, make una obey God kon dey loyal as una dey woship am with betta mind. Make una forget di gods wey una grand-grand papa dey serve before-before for di oda side for di river and for Egypt and make una kom woship God.

Joshua 24:23

Den Joshua sey, “So make una trowey all di oda gods wey una get kon respet only di Oga wey bi Israel pipol God.”

Judges 10:16

So dem skata all dia yeye gods kon bigin woship God; den God kon sorry for Israel pipol, bikos of dia sofa.

Judges 10:6

Israel pipol sin against God, bikos dem kon dey woship Baal, Ashtoret and Siria, Sidon, Moab, Ammon and Filistia pipol gods. Dem forget God kon stop to woship am.

Judges 2:11

Israel pipol sin against God and dem kon start to serve one juju wey dem dey koll Baal.

Judges 2:13

Dem forget God kon dey serve Baal and Ashtoret image.

1 Samuel 31:10

Dem put Saul swod for Ashtoret temple kon hang en body for Bet-Shan wey bi di town wall.